السلام عليكم ورحمة الله وبركاته
مبروك عليكم شهر رمضان وانشاء الله يتقبل منا ومنكم صالح الاعمال يارب

ابيات اعجبتني صراحه وانشالله نتال اعجابكم




أمانه لاتوادعني حبيبي لانويت تروح...

دخيلك خلني وأرحل كذا من دون ما أدري~

دخيلك لا تعلمني كفى صدر الغرام جروح..

وأنا اللي من عرفتك وأنت متربع على صدري...

بنيت لك بالحشا قصر رفيع وشامخ بصروح..

وقلت أسكن هنا ياللي عيونك سوادها قصري..

رخصت أغلى القصيد وكل ماينزف صدق البوح...

وجيتك والغلا طفل ربى بالجوف من صغري..

تحملت العذاب وصرت أنا من سبتك مذبوح..

صبرت وطال صبري لين مل الصبر من صبري..

أبي بس أظفر بقلبك مدام الشوق لك مفضوح...

ومدامك بالعروق اللي بحبك دايم تجري..

أبي عطر الهوى منك حبيبي كل يوم يفوح..

وبعلنها على الدنيا أحبك يابعد عمري..

حبيبي أنت ماغيرك حبيب قد سكن بالروووح...

ومن فكر يجي بعدك ترى بقول له بدري..

كفايه باب خفاقي عشقك وصار لك مفتوح...

وكفايه لو تغيب شوي أضيق و"ينشغل فكري"

أنا ماهزني غيرك حبيبي بالبشر انسان

ولا حبيت ابد قبلك ولا أفكر أحب ثاني

دخيل الليل والقمر أو النجم في السما الاوطان

ودخيل الحب وعيونك ودمعآ غرق أوجاني

أبي حبك يزلزلني ويفجر داخلي بركان

أبيه يطهر جروحي يمحي باقي أحزاني

أبيك تكثر الرهبه وقلبك ممتلي إيمان

وأبيك تشد من عزمي إذا همي تلقاني

<<أبي حبك>>ينسيني همومي وعالم الأحزان

وأبي قلبك يصبرني اذا جيتك أنا اعاني

أبيك تشيل من قلبي معالم لوعة الحرمان

أبيك توقف بصفي إذا ظرفي تحداني

<<ابي حبك>>يجنني وينبش سماي الالوان

أبي قلبك يحسسني في صدق الحب لاجاني

أبيك الصاحب الوافي يحطني دايم بهيمان

أبيك العاشق المخلص يشافي دوم عطشاني

~ابي عطشك~أبي قربك~أبي الحب كما البنيان

أبي قلبأ كبير لاملاه الشوق ناداني

ابيك الشاعر الصادق ابيك المغرم الهيمان

حبيبي ترآني ابيك تبيع الروح من شاني

أبي أتمكن وسط قلبك لوحدي مامعي انسان؟

أبملك كل تفكيرك وتملك كل وجداني

وأبي قلبك يواعدني لو خان البشر ماخان

أبي اطلب طلب واحد رجيتك وهو المهم الان؟

وأنا ادري مستحيل ترفض لانك جد تهواني

{أبيك تعيش في قلبي اذا تسمح مدى الأزمان}
{أبيك تشوف ماتملك في قلبي وماتعداني}



وسلامت شاعرها وسلامتكم احبتي
دمتم بخير