المشاركة الأصلية كتبت بواسطة خاص جداً

عفوا أخوي .. أحب أقول إن المسألة كلها غلطتكم من بداية الموافقة على وظيفة في السجلات الطبية والمدام شهادتها إدارة أعمال!!! بسبب الجري وراء شهادة خبرة!!!!!!!!
اهلا فيك بموضوعي وشكراً على المداخله ... واحب اقول لك ان كثر الوظائف تشترط شهادة خبره
ومستحيل اي شخص يجيب شهادة خبره بغير هالطريقه حتى في الوظائف الحكوميه يطلبو شهاة خبره ... وكل الناس تشتري شهايد خبره بفلوس ..وانا اقدر اجيب لها شهادة خبره والله العظيم في ساعه ومدتها سنتين او خمس سنوات في ساعه وبرفعه تلفون .. بس الحمد لله ما احب الحرام والله يصرفني عنه انا وزوجتي ..
هلابك أخوي

طبعا الخبرة صايرة ضرورية هالأيام .. يفوتك لما تسمع: مطلوب حديثي التخرج مع خبرة 10 سنوات في المجال!
قد يكون مضحك للبعض .. والبعض الآخر يشوفها امتداد للخدمات التطوعية منذ أيام مقاعد الدراسة أو العمل الإضافي بعد ساعات الدراسة الصباحية
يعني المسألة ماعادت شهادة وبس .. يطلبوا انجليزي .. حاسب .. خبرة .. وأحيانا واسطة

شهادة الخبرة ورقة إضافية ... وهذا اللي يخلي المقابلة الشخصية مفتاح للوصول للوظيفة اللي تبغاها وبشروطك اللي تناسب وضعك


ثانيا .. تقول مارحت المقابلة مع المدير العام أول مرة لأنك مسافر، طيب لما رجعت من السفر برضها المدام دخلت عنده مع صاحبتها وإنت تستناها في السيارة!!! إيش الفايدة؟؟؟؟؟؟؟
لأنا يوم قابلنا عبد الله الشهري .. صلح معاها مقابله وبحضوري وانا الي أجاوب عنها وهي صن ولا كلمه اخر شيئ قال ابعرض اورقاها ع المدير واحدد موعد للمقابله الشخصيه قلت ليه هاذي مو مقابله شخصيه قال المدير يعمل مقابله انا هنا مسؤل توظيف اباخذ اوراقها وارفعها للأداره قلت وين الاداره قال هنا بس جوامهم في الليل ..
طيب هذه غلطتك واسمح لي .. وجود المحرم في المقابلة الشخصية لا يلغي دور طالبة الوظيفة في إبراز نفسها أمام المسئول عن التوظيف
هذا المسئول ماقصر وحدد معكم موعد تاني مع الإدارة .. لو غيره كان قال المدام ماتنفع للوظيفة (لأنه يشوفها اتكالية عليك في الرد على أسئلته .. كيف بتمسك وظيفة من دون وجودك جنبها؟) هذه مؤشرات يقيسها مسئول التوظيف عن أهلية المتقدمـ/ـة للوظيفة

مثلا كانت عندي مقابلة في شركة خاصة ... بابا حضر معاي المقابلة مع المدير المالي ... جلس الله يحفظه على الكنب البعيد ... وأنا مواجهتي مع المدير وجلست على المقاعد اللي قدام المكتب نفسه .......... بابا مافتح فمه بكلمة لين خلصت المقابلة وبعدها حتى كلامه مع المدير كانت عن تربيته لنا والمدير يبين حرصه على توظيف البنات وسياسة الشركة في التعامل معهم إلخ (يعني الخلاصة .. المحرم يحضر كواجهة قدام جهة العمل ويكون من باب ترى وراها رجال .................... لكن مايجاوب عني في مقابلة العمل وكأنني لست مؤهلة عمريا ولا مهاريا أو وظيفيا للإجابة!) حتى إن المدير قام يمدح فيا قدام بابا وقاله اللي عاجبني في بنتك إنها مرتاحة في جلستها مع إنها خبصت في المقابلة خخخخخخخخخخ وتصدق إنهم مع ذلك أخدوني لأنهم عرفوا إني ماتوقعت الأسئلة تكون متخصصة جدا وأعطوني فرصة جديدة بناء على ردودي وتصرفاتي وقت أزمة الإجابات


ثالثا .. المستشفيات معروفة دوامها: من 9-1 النهار أو من 5-9 الليل .... ليه مستغرب من مقابلة الساعة 8 مساء وفوقها مادخلت مع المدام؟ هي صاحبتها صايرة محرم مثلا، دا غير نصيحتها للمدام بعدم معرفتك بالاختلاط والجرأة المطلوبة .. مو مبين الكتاب من عنوانه؟؟؟؟؟؟؟
يا عزيزي المعتاد والمعترف به ان المقابلات الشخصيه في النهار مو في الليل وبتكوين لجنه توظيف .. وانا ما دخلت معها احتراماً لزوجتي ولزميلتها ما ابي اكون معها لني واثق فيها وواثق ان العقد راح يتوقع بحضور زميلتها لأن زميلتها اكدت لها التوظيفوقالت وظفت ثنتيني من معارفي... وعلى كذا زميلتها تصير زميلة اختها بنفس التخصص في المعهد وعلى كذا زميلتها متزوجه وعندها عيال كبار واعتبرتها في مقام اختها الكبيره وعلى كذا لها تقدير واحترام في المستشفى من قبل الأداره ... وبعدين الحمد لله امن زوجتي تخاف الله وما تخبيعليه اي شيئ تصارحني بأي شيئ ومستحيل تعمل شيئ من ورايه لدرجه انها قطعت علاقتها بزميلتها بدون أي تأثير مني
بالعكس .. المسألة نسبية بحسب الدوام الحكومي/الخاص .... لاحظ إن مقابلتكم الأولى (لولا سفرك وامتناع المدام عن الحضور بدونك) كانت برضه الساعة 8 مساء ... وحددوا معكم موعد وبرضه في نفس التوقيت ........... يعني أنتم رايحين لهم برجولكم رغم هذه المؤشرات اللي ماارتحتوا لها إلا مؤخرا!!!

لجنة التوظيف قد تقتصر على المسئول المباشر عن المدام لاحقا .. أو أكثر بناء على حساسية المنصب وفصفصة المتقدمـ/ـة للوظيفة

وأرجع أقول دور المحرم يبرز في المقابلات كواجهة رجولية بدون إلغاء استحقاق المدام للوظيفة ................ احترام زوجتك أو زميلتها مايبين باعتذارك عن الحضور .. لأن هذه زوجتك، وهذه واسطة صديقتها، وهذه مستشفى، وهذآ موعد متأخر، وهذا رجل يسألها بالمقابلة .......... يعني إيش موقفك لما تجيك مواعيد مقابلة وبالفم المليان يقولوا: يرجى عدم حضور الزوج أو المحرم! ......................... وجودك أثناء المقابلة هو من أبسط حقوقك والقانون لا يحمي المغفلين

الحمدلله اللي رزقك بزوجة بإذن الله ترضيك عليها في تفكيرها وتعاملها وعملها ومحيط معارفها وصديقاتها


رابعا .. لا الماكياج ولا الابتسامات ضمنت الوظائف لبنات الاستقبال .. ولا الأسود في أسود حرم المدام من وظيفة (أي كلام)!!! يمكن ربي من عنده صرفها عن هالوظيفة الظالمة لحقوقها ووقتها وشهادتها .... ليه تحط العيب في بنات مستشفى عرض الأزياء؟؟؟؟؟؟؟
الحمد لله على كل شيئ وان شاء الله انه شر وانصرف والله يرزقها بالأفضل

وانا قلت لك عشان ماأظلم احد روح بنفسك وتاكد من كلامي طبعاص مو الكل البعض منهم وفيه منهم منقبات حتى زميلة المدام منقبه ..
محد يصدق هالأيام إن بنات الاستقبال منقبات (إلا في الحكومي غالبا) ومو ضروري نروح نتأكد

أنا اللي بغيت أوصله إن مو كل وحدة كاشفة وفي مواجهة جمهور (سواء مرضى، مراجعين، عملاء، صحافيين، ..... إلخ) تعني بالضرورة إن المكياج والابتسامات ضمنت لهم وظائفهم
والعكس صحيح .. مو أي منقبة حريصة على رضا ربها ثم رضا زوجها وعلمه بكل شاردة وواردة معها بالدوام وغيره .. والدليل من تسعى لإقناع المدام باستغفالك عن وضع الوظيفة ومتطلباتها


وظيفة السجلات الطبية نفسها تحتاج شخص فاهم في المجال الصحي ... وزيها زي المساعد الصحي، لا بد من المصطلحات الطبية الانجليزية ودراية بتقسيم وأرشفة سجلات المرضى ومستنداتهم الطبية حسب الحالات الصحية .... يعني مستغرب من وظيفة المساعد الصحي لخريجة إدارة أعمال ومنت مستغرب من وظيفة بالسجلات الطبية لنفس الخريجة؟؟؟؟؟؟؟؟
أكيد مستغرب وظيفه مساعد صحي لشخص تخصص اداره اعمال ... لأن عمل المساعد الصحي نفس عمل الممرض يحضر المستلزمات الطبيه للطبيب ويحضر الأبر والمغذيات ويحضر جرعات العلاج وجرعات البنج ... لا وكمان مساعد صحي في قسم الاسنان ...

اما سجلات طبيه على حسب كلام عبد الله الشهري ان العمل فقط تحضير ملف وأرشفه اوراق وترتيب ملفات المرضى .. ومعها زميله بالقسم وهم في حاجه لوحده ثانيه ... وهذاالعمل اشتغلت وقت التطبيق في بنك الراجحي يعني الشغل ورق في ورق والحمد لله هي متمكنه من الانجليزي والكمبيوتر مع ان شغلتها بدون كمبيوتر
أجل افهمها من الأخير .. كان طلبهم تعجيزي فقط! والحمدلله إنها جت على كدا



القطاع الخاص معروف بالمصلحة التجارية بغض النظر عن مجال المنشأة اللي تقدم عندها .. الذكاء الاجتماعي والوظيفي هو فرض نفسك بحسب احتياجهم وبدون زعزعة مبادئ جوهرية لمجرد شهادة خبرة أو حتى لقمة عيش!
والله ممكن اخذ بكلامك لو لو تحقق 1% من الةظائف المطروحه بدون شرط الخبره..؟
انا يوم كتبت هنا بهالمنتدى ما كنت اعرف اافتح موضوع جديد والان مع الممارسه وبدون تدريب ولا دورات اقود لي منتدى وصحيفه ... يعني كل شيئ سهل بس الشروط صعبه ..
عشان كدا شرحت لواحد من الأخوان هنا .. إن المقابلة مرحلة من مراحل التوظيف .. ممكن تكون سيرتك الذاتيه مبهرة لدرجة الشركة تحدد معكم موعد من بين المئات لأنها تبغى تعرف أكثر عنك .. الحكمة هي في التصرف بشكل صحيح تجاه نفسك وتجاه الشركة عشان ماتندم بعدين


الله يفتحها عليكم ويسخر للمدام الوظيفة اللي ترضيك عنها ويرضيها .... وفوقها تلتزم فيها بشرع ربها (الدين يسر لا عسر)
وأتمنى نسمع عن المدام خبر وظيفي حلو قريبا بإذن الله
الله يسمع منك وان شاءالله ربي يرزقها وياك ويرزق كل عاطل بكل ما يتمناه بوظيفه يتسر بها نفسه ...

وان شاءالله تكون القصه وااضحه.
وصدقيني اني طرحت قصتي للعضه والعبره ..

لأني قبل فتره تعرضت لنفس الموقف في مستشفى خاص بحي الجامعه وانا كلمت مسؤل التوظيف وقال لي المقابله الساعه 10 مساء وبحضور محرم ولازم كاشفه الوجه وانا رفضت وقلت عيب عليك ترضاها لأهلك


الله يكون مع كل محتاااج
يوووووووووه ياما راح تسمع عن أشياء عجيبة (راجع منتدى الفساد والجريمة) .. وصحيح تحس أحيانا إن اللي اختشوا ماتوا
لكن الله لا يضيع لكم تعب يارب