اقتباس:
المشاركة الأصلية كتبت بواسطة غاوي
الى اللي شايل هم اللياقه والتمارين
انا كنت بنفس وضعكم في رمضان وانتظر رسالـة موعد الدوره
وكنت ادخن 6 سنين .. ولياقه صفــرر
باخر رمضان هرولت 5 ايام وكنت اقصى شي اهرول فيه 4 دقايق فقط
دخلت الدوره في يوم 9 / 10
وتدريجيا مشيت معهم
التعب صاير فيك صاير سواءا هرولت قبل ولا ماهرولت
خلوكم مرتاحين برمضان ولاتضغطون على انفسكم
اهم شي التجهيز للدوره : نفسياً
فيه ناس ماتقدر تاخذ لفه وحده لكن نفسيتها : توب
وفيه ناس نفسيتها زفت .. ولياقه عاليه , وماقدرو يكملون الدوره بعضهم
يعني اهم شي بعد الاتكال على الله : النفسيه
ولتجهيز انفسكم نفسياً .. هذي نصائح اقدمها لكم بشكل مختصر :
- الاعتماد على الله اولاً واخراً ورضا الوالدين ثانياً ودعائهم لك
- اعلم ان هذه الوظيفه فيه ملايين غيرك يتمناها وبشهادات اعلى منك
- في العسكريه معلومه معروفه بيننا : التعب منسي
- في العسكريه .. التعب باول الدوره وبعد التخرج .. رواتب وغنى نفس وعزه
- حط في بالك ان العسكريه قد تفتح لك ابواب كثيره .. منها تقدر تكمل دراستك وتغني نفسك بالراتب
- في الدورات العسكريه .. ابتعد عن الاشاعات ولاتصدق كل شي .. راح يروجون اشاعات المدربين انفسهم والطلاب بين بعضهم .. لاتهتم كل ماعليك انت انك تجتاز الـ45
- الدوره العسكريه كرف بالخمس واربعين .. وبعدها يقل الكرف الى 50 %
- مجرد ماينزل رواتب 4 شهور للمتدربين .. راح تخفف من الضغوط النفسيه عليكم وراح تتحمس ويكون : صدرك شمالي
|
موفق بإذن الله ... لك مني أجمل تحية .