اقتباس:
المشاركة الأصلية كتبت بواسطة كاتب في زمن ماضي
خير بداية ذكر الله
" بسم الله الرحمن الرحيم"
السلام عليكم جميعآ
وكل عام وانتم بخير
انا متابع لكم من فترة وانا مثل المنتظرين انتظر اتصال وراح اعطيكم علومي بالتفصيل..
طلعت يوم الثلاثاء من تبوك طيران الى الرياض ووصلت يوم الأربعاء الساعة العاشرة والنصف واخذت تاكسي وعلى طول على طريق الملك فهد ووقف لي عند جسر المششاه ورحت للهيئة المقر الرئيسي وقابلت شخص كبير فاسن نوعآ ما رتبته رقيب واقولكم مادار بيني وبينه بالتفصيل:
السلام عليكم
وعليكم السلام
ممكن اطلع لمدير التوظيف
قال وش عندك وهل عندك موعد معه
قلت ياعم قال سم قلت له انا جايك من تبوك وصايم ومشكلة اذا بتردني
قال وش موضوعك قلت له انا مقدم على وظيفة كاتب ضبط ولحد الأن مااحد اتصل في وبشوف وضعي وش صار عليه
قال دقيقه وخرج كشف قالي شوف اسمك بالكشف موجود المهم لقيته والكشوفات ياشباب فيها حول 900 اسم
قلت له ايه موجود قال اطلع له المهم طلعت وسألت عن مكتب التوظيف وحصلت شاب خلوق اسمه حبيب البريه
سلام عليك السلام قال خير وش موضوعك قلت له موضوعي كيت وكيت وكيت وانا جايك من ديارن بعيده وصايم
ألتفت على جنب وجاب كشوفات قالي كم رقمك اعطيته الرقم طبعآ اللي بالديوان قالي فلان قلت له ايه
قال احنا خلصنا من إحصائية المعتذرين من الكشف الطبي او اللي عليهم ملاحظات وايضآ اللي ماباشروا وننتظر بس الضوء الأخضر من معالي الرئيس علشان نبدآ بالإتصال قلت له طيب متى قال والله ماعندي خبر ممكن بعيد العيد وممكن بمنتصف رمضان قلت طيب الأن تتصلون من اجل تغطية العدد الناقص قال ايه نعم قلت له طيب والبقية اللي مالحقهم السرا قال اكيد فيه ناس راح تعتذر من الكشف الطبي او مايباشروا مثل ماصار بالمرحلة الأولى وراح نكمل بهم العدد وهكذا الى ان ننتهي منهم قلت طيب هل صحيح انه اذا مارشحتمونا قبل محرم راح نسقط من وظائفكم قال هذا غير صحيح فأنتم مؤهلين للعمل لدينا وماراح نسقط احد حتى لو تمت فتح مسابقة جديدة لان الهيئه بحاجة لكادر موظفين وانتم نظامكم نفس نظام الأعضاء اللي دخل المسابقة لايحق له دخولها مرة اخرى ومهما فتحنا مسابقات راح نعيينكم ان شاء الله
قلت له طيب كم العدد المتبقي قالي العدد الاجمالي الان 624 الموجودين لدينا بالجهاز وتم التصال على 464 والمتبقي 160 طبعآ يزيد عليهم عدد المعتذرين وراح يكون الاتصال القادم من 160 ومن المعتذرين بحسب الترتيب اللي توقفنا عنده لحين تكملت العدد المطلوب قلت كم العدد المطلوب قالي لابد ماتظهر شمس غدآ وتشوفها قلت طيب كم عدد المعتذرين قال واجد يعني ان شاء الله كلهم يتعينون
خرجت من عنده وتوجهت الى المطار وكانت رحلتي الساعه 2 ظهرآ واليوم اللي تم تفعيل العضوية ونقلت لكم خبري
والسلام عليكم
|
وعليكم السلام ورحمة الله وبركاته
الله يحييك بين اخوانك وكل عام وانت بخير
وتقبل الله منا ومنك صالح الاعمال،،
والله يجعل مثواك الجنة على الاخبار الطيبة
ومشكوووووووووووووور وما قصرت
لك مني اجمل تحية