اقتباس:
المشاركة الأصلية كتبت بواسطة الْفْيّصَل
السؤال يابو فجورة الله يحفظها لكم ويجعلها من حفظة كتابة الكريم 
هل حصل وجربت التأمين الشامل وهل فعلاً هذا التأمين يستفاد منه على الاراضي السعودية !
عطني رأيك بأفضل شركة تأمين شامل ويستفاد من التأمين بدون تسحيب شهور وبالاخير بدون فائدة !
|
ياهلا والله بالفيصل
على طاري فجر تراها موب فاضية لاحد هاليومين قاعد تنهي اجراءات وصول اختها الجديدةولاهي راضية تعطي احد وجه
بالنسبة للتأمين شوف وانا اخوك انا ما بحط شي في ذمتي
انا سويت حادث شنيع قبل 3 سنين وللاسف كان تأميني منتهي قبل الحادث باسبوع ...ونظام المرور الاخرق يقول ان اللي عليه نسبة 1% يدخل التوقيف الين يجيب كفيل حكومي طبعا معه ورقة تعريف او صاحب مؤسسة ويجيب ورقة موقعة ومختومة من الغرفة التجارية...ونا مسوي الحادث يوم الخميس الساعة 3 ونص ظهرا ودخلت التوقيف الساعة 8 في الليل ولاعرفت النظام الا الساعة 12 في الليل وكان فيني اصابات في الترقوة والصدر والرقبة....يعني بالله من وين اجيب له ورقة تعريف لموظف حكومي الساعة 12 في الليل؟؟
انا عن نفسي سألت ولازلت اسأل الى الان عن افضل شركات التأمين ...طبعا الافضل التعاونية بعدين سلامة وملاذ ...
انت كيف تتأكد من الشركة؟؟ تروح للمرور تلقى عندهم قائمة بأسماء الشركات المعتمده ...
التأمين انواع
في تأمين ضد الغير وهو نوع واحد يعني يتكفل بسيارة الطرف الاخر واي ضرر انت تسببه الى حد 5 مليون قيمته 360 ريال تقريبا
التعاونية عندها نوع ثاني اسمه سند بلس وهذا النوع يصلح سيارة الطرف الثاني ويصلح سيارتك الى حد 10 الاف ريال..وقيمته 930 ريال
النوع الثاني تأمين شامل وله عدة انواع
فيه نوع تدفع فيه نسبة 3ونص% من قيمة السيارة لكن تدفع قيمة تحمل 500 ريال وقت الحادث
وفيه نوع تدفع فيه3% وتدفع 1000 ريال
اخوي الفيصل اكمل لك بعدين الحين مشغول شوي
والا وش رايك انزلها في ماضوع مستقل ؟