المشاركة الأصلية كتبت بواسطة دمعة غلا

بنات لاتنسون الاستغفاااااااااااار فمن لزم الاستغفار جعل الله له من كل هم فرجا ورزقه من حيث لايحتسب
وقلت استغفروا ربكم انه كان غفارا يرسل السماء عليكم مدرارا ويمددكم باموا وبنين ويجعل لكم جنات ويجعل لكم انهارا
والدعاااااااااااااااااء الله الله بالدعاء ..وباذن الله ربي بيفرجها عليكم وبيتفتحها من اوسع ابوابه وبتلقون وظيفة ماتحلمون فيها ابد
بس التفاؤل اهم شئ .. يقول سبحانه وتعالى انا عند حسن ظن عبدي بي
فأحسنوا الظن به سبحانه وتعالى

بنات بالنسبة لعبداللطيف جميل لخدمة المجتمع الفرع النسائي في السويدي بس
لكن تقدرون تدقون عليهم وتاخذون الايميل وترسلون لهم السيرة الذاتية
انا سويت كذا ويوم دقوا علي وسالتهم من وين جبتوا معلوماتي ورقمي قالوا انتي مرسلته عالبريد
والله من كثر ما اقدم على كل مكان مدري وش ارسلت ومدري وش خليت
المهم اللي ماتقدر تروح لهم تاخذ الرقم من الاستعلامات وتدق عليهم وتاخذ البريد وترسل السيرة عليه


وفيه جمعية النهضة النسائية مقرها الرئيسي بالنسيم ممكن تاخذون رقم الاستعلامات منهم وتدقون عليهم تستفسرون
هم يوظفون بالمجان .. بس اهم شئ يكون معك بطاقة احوال ..اعرف وحدة صديقتها توظفت براتب 4000 وشهادتها ثانوية فقط .. بس طبعا هالكلام يمكن من 3 سنين بس اتوقع مازالوا يوظفون لين الحين


وفيه شركات توظيف زي حصاد المستقبل وكفاءات المستقبل وشركات كثيرة تدفعون لها رسوم 200 ريال او اقل ويدورون لك طول العمر ع وظيفة
انا اعرف وحدة تخصصها انجلش قدمت ع حصاد المستقبل ووظفوها في معهد ..
وانتم بعد دقوا تاكدوا من كل شئ .. طبها هالكلام له 3 سنين ..

ثاني شئ يابنات
انتبهوا ترسلون السيرة لاي ايميل
ولو بترسلون حطوا السيرة فقط ورقم جوال ابوك اخوك زوجك اي محرم
او عالاقل حطي رقمك ولاتحطين اسمك ابد ابد
خلي لك لقب او كنية زي ام فلان
انا مجربة وهذاني حذرتكم .. فيه ناس ضعاف نفوس يستغلون هالشئ ويبتزون .. فانتبهوا لانفسكم
ولاتغترون تحت اي شئ بمسمى وظيفة .. في جدة والرياض واكثر من مكان بالمملكة مسكوا اكثر من شخص يبتز البنات بمسمى الوظيفة حتى جريدة الرياض من فترة طويلة نزلوا مقال نصف صفحة او صفحة هالشئ
ولاتاخذون او ترسلون بريد لاي موقع الا متأكدة انه من مصدر موثوق زي جريدة الرياض وزي المواقع الرسمية
وانتبهوا من المبوبة والوسيلة ..

والله يحفظكم ويستر عليكم ويحميكم من كل سوء ..
ولاتنسون بعد تدعون ربي يصرف عنكم وعن كل من تحبون شر القضاااااء (( هذي الدعوة مهممممممممممممة))
بكلام الشيخ محمد العريفي
يقول ليش اذا جت المصيبة ننوح ونصيح ومدري ايش نسوي ليش مو من قبلها ندعي ربنا يصرف عنا السوء
واهله وكل شر ليش ماندعي ربي يصرف شر القضاء ))
وكلامه فعلا صحيح

اتمنى يابنات تنتبهون وتحذرون من كل شئ ..

والله يوفقكم يالغوالي ولاتنسوني من دعواتكم اهم شئ ربي يصرف عني شر القضاء واهلي وأحبابي مدى الحياة ..