السلام عليكم ورحمة الله وبركاته
خلصت اليوم المقابلة الشخصية على خير والحمدالله بالرياض
طبعا تخصصي جغرافيا والحمدالله طحت على لجنة زي العسل رقم اللجنة (2) والله ياشباب انه ماسئلني بالتخصص ولاسؤال طبعا اللجنة مكون من شخصين واحد مطوع زي العسل اتعب وانا اقول عنه امير ماراح انساه وواحد ثاني على مااظن انه مشرف تربوي المهم الاسئلة كلها 3 اسئلة
السؤال الاول: ماهي الوسائل المستخدمة بالتعليم
السؤال الثاني : تخيل انك انت بالفسحة ( طبعا هذا سؤال المطوع ) وعندك 300 طالب وش بتعتقد يطلع منهم ؟
السؤال الثالث : لو انك مدرس هل تستخدم الضرب انا هنا ضحكت على طول قلتله انا اكره شي عندي الضرب من ايام المتوسطة والثانوي مااعتقد اني ابسويها هنا ضحكوا كلهم وقالي المطوع كلمه اخير التعليم رسالة وامانة والطلاب امانة باعناقك قلت له الله يوفقني عليها وبس والله يوفقنا جميعا وترا ياشباب المقابله انا كنت متخوف منها والحمد الله سواليف وبس