اخباركم ياشباب..
تم الإتصال اليوم على هيئة التحقيق المقر الرئيسي على تحويلة مدير شعبة التوظيف ومحد يرفع الخط الظاهر انه بإجازة
المهم والأهم دقيت تحويلة مدير عام شؤون الموظفين الأستاذ / فهد المجلي
المهم كلمته واخذت معه مكالمة تقريبآ ثلث ساعة وانا اتجادل معه يجيني يمين اجيه شمال يجيني شمال اجيه يمين والحمدلله ان ديوان الخدمة متعاون معنا ويعطينا معلومات عن العدد ولكن المجلي انكر معلومات الديوان ولكن اوقفته وقلت له هذي معلومات الديوان مافيه اي اخطآ
اخر شيء قالي ماادري عن الأرقام غير لما تجينا المهم لما شاف اني ماني بفاكه غير اخذ منه علم
قال احنا الأن كل شوي يطلع لنا واحد معتذر واللي يجينا معتذر نرسل اوراقه للديوان لإبعاده من وظائف الهيئة قلت له الأهم والمهم متى الإتصال قال بعد العيد إن شاء الله نغطي العدد المعتذر قلت له طيب والبقيه قال شوف يااخي متى ماوجد شاغر اوجاتنا وظائف من المالية نكلم اللي بالبرنامج..
^^^
هذا مادار بيني وبينه ودمتم بحفظ الله