المشاركة الأصلية كتبت بواسطة mms

أفلام الاكشن اللي يسويها وانه طريح الفراش هذي خابرينها وخابزينها, بعد ما إنتي كشفتي حقيقته
وطلبتي الطلاق راح يخطب بنت ثانية وانا هنا راح استشهد بردك



هذا يدل على انه شخص حقود وكان يبغى يوصل لك رسالة مفداها شوفيني كيف خطبت بنت ثانيه وسبحان الله جت بوجهه وردوهـ لأن فيه ما فيه , فلمن هو جلس مع نفسه وعرف انه شين وقوي عين قال مالي إلا اسوي حركات النص كم هذي حقت المصاريه واحاول استعطفها لعلي ارجعها وإنتي قلتيها وانا استشهد مرة ثانية (هذه النقطه الوحيده اللي تتعبني لما يتكلمون عنها ) هو عرف نقطة ضعفك ويرسل البنات عليك للتأثير النفسي والايدلوجي <-- شوفي الكلمة الأخيرة سمعتها بالتلفزيون ولا أدري وش معناها وقلت بطقبها فيك عشان اشوف تأثيرها عليك
( تراهـ جالس يطبق القول المأثور >>> يتمسكن حتى يتمكن )

يا مسك العطور ماعليك منه ولا يهمك وحكاية انك عطوفه ولا تبين تجرحين مشاعر احد هذي في كل البنات وشيء طبيعي تمرين بهذه المرحلة وبتعدي على خير ان شاء الله, واذا أي وحده جابت طاري عبدالحليم حافظ زمانه لا يردك إلا براد الشاهي تلزخين وجهها بالجدار

نصيحة مني اشغلي نفسك ولا تنجرين في شيء الله فكك منه وخلصك وشفتي راحة البال فلا تضيعي عمرك عشان عطفك, جربي تفتحين بصطه قدام بيتكم وتقشرين فصفص