السلام عليكم ورحمة الله وبركاته


أسعد الله أوقاتكم بكل خير


أنا توني راجع من المقابلة الشخصية في الرياض ولانكم غالين راح أسرد لكم التفاصيل

مع العلم ان تخصصي أحياء


في البداية انا رحت لهم الساعة 10:30 مع العلم ان موعدي الساعة 1 بعد منتصف الليل

اول ماوصلت سلمت لهم الاوراق واعطوني ورقة اتنظار للدخول على اللجنة وكان رقم لجنتي 2

انتظرت لمدة لاتزيد عن ربع ساعة وبعدها نادوني ودخلت على اللجنة

كانت اللجنة مكونة من شخصين واحد مطوع والثاني وواحد تربوي

اول ماجيتهم سلمت عليهم وباركت لهم بالشهر وجلست وفي البداية سألني المطوع

س : كيف تنصح الطلاب في دينهم عن طريق درسك ؟

كان جوابي

عن طريق تذكير الطلاب بعظمة الخالق الذي خلق الانسان وأعطيهم كذلك مثال بجهاز غسيل الكلى الموجود في المستشفيات وحجم هذا الجهاز الكبير الذي لايؤدي حتى نصف وظائف الكلية العضو الصغير الموجود في جسم الانسان


بعدين سالني سوال

س: أذكر ثلاث أسباب مقنعة خلتك تختار التعليم ؟

جاوبت

1- ان معلمنا وقدوتنا الاول هو محمد صلى الله عليه وسلم
2 - التعليم مهنة نبيلة وفيها اجر ان شاء الله
3- أستفيد من مهنتي كمعلم في تربية أبنائي


بعدين قالي المطوع بارك الله فيك


بعدها سالني الشخص التربوي سؤال غبي وقال

س : لو حصلت طلاب يدخنون في المدرسة وقالولك ياأستاذ تطلع معنا اليوم نروح نتمشى وندخن ؟

في البداية بغيت أقول وش تقصد بس قلت خلنا نمشيها هذي مرحلة مصيرية

كان جوابي اذا شفت الطلاب يدخنون في المدرسة هم كذا خالفو النظام واول شئ أسوية راح أنصحهم وأعلهم باضرار التدخين على جسم الانسان بصفتي مدرس أحياء وبعدها راح أحولهم على أدارة المدرسة يتخذون معهم الاجراء المناسب

وسالني وقال

س : طيب لو الطلاب زعلوا عليك وكسروا سيارتك وش تسوي ؟

قلت له لو تأكدت أنهم نفس الطلاب راح أبلغ ادارة المدرسة بالسالفة وأذا تأكدت أنهم نفس الطلاب راح أشتكيهم على الشرطة لان هذا فيه أعتداء


بعدها قالي المطوع شكرا ياسلطان رح خذ ورقة الكشف أمورك متيسرة


وأخذت أوراق الكشف وختمتها ومشيت



بس الي حبيت أوصله لاأحد يشيل هم المقابلة والله أنها سهلة مره ولاأخذت أكثر من دقيقتين وصراحة أنهم بشوشين مره وتعاملهم عسل


وباقي الاخ شيقيلا بيسدح مقابلته اليوم لان سوى المقابلة معي


وبالتوفيق للجميع