اقتباس:
المشاركة الأصلية كتبت بواسطة زيدان
حيا الله الفقيه العلامه المروري الأخ قاصر 
وعيدك مبارك
ياخي من الغباء ومن البلاهه بمكان اني أأمن ضد الغير واسوي سيارات العالم وسيارتي مكسره
لكن بسألك عن التأمين الشامل 
يعني لو عندي سياره قيمتها 100 الف ريال وابغى اسوي لها تأمين شامل
ادفع 3500 ريال واذا سويت حادث لاسمح الله ادفع 500 ريال غير النسبة ؟
والتأمين ادفعه بشكل سنوي يعني كل سنه ادفع 3500 ؟
طيب افرض نزل سعر سيارتي في السوق بحكم تقادم الموديل وهي سليمه مايتخفض سعر التأمين ؟
والسؤال الأهم
وش أرحم جهه ممكن تقدم لي تمويل شخصي عشان اشتري سيارتي |
يالله حي القرعان والصلعان
ياخي كني شايفك في الهدا قبل يومين معاك موزة ومجمع عيال الطايف وقاعدين تطامرون فوق السيارات ومبسوطين بالتصوير ...دعابة على السحور
بالنسبة لسوعالك...
لو كانت السيارة ملكك بأسمك يعني شاريها كاش او بنظام التقسيط تدفع قيمة التأمين سنويا اما اذا كانت تأجير فان المبلغ يندفع مع قسط السيارة شهريا وعلى حسب سعرها جديدة يعني انت تجلس تدفع قسط شهري مثلا 230 ريال شهريا مع قسط السيارة لمدة خمس سنوات...مع العلم ان قيمة السيارة في نزول ...لكن قسط التأمين ثابت ...وده زاتو سرقة
بالنسبة لانخفاض سعر التأمين يعتمد على سعر السيارة في السوق ولاتسوي نفسك ذكي وتروح تأمن على سيارة باكثر او اقل من سعر السوق....لان مرجعك للسوق
اما عن افضل جهة تمويل فاعتقد ان افضل شي ان تشتري كاش او تسوي جمعية وذا حدتك الظروف طلع قرض ازين وارحم لك على الاقل ياخذون نسبة اقل يعني 3.5% كمتوسط نسبة وهذا يعتمد على وظيفتك وراتبك وإلتزاماتك ومدة خدمتك
طالما انك جبتنا للبنوك خل اتكلم عنها على عجالة
القروض البنكية افضل من التاجير لان البنك ياخذ عليك اقل نسبة لكن المشكلة لما تفكر تسدد كاش او على قولهم سداد مبكر...
تكتشف ان قسط السنة الاولى كله في الفوايد ...وتتفاجأ ايضا انهم مسوين لك نظام هرمي وانت ماتدري عنه
يعني نفرض انك ماخذ منهم قرض 83 الف وطلعت الفايدة 16 <<<<<قسم موب انا
تخصم عليك النسبة الكبرى من السنة الاولى يعني تسدد 9 الاف من الفوايد يبقى لك 7 الاف ياخذون نصها السنة الثانية وهكذا....الين توصل للسنة الاخيرة وما يبقى عليك الا فويد شي بسيط بحيث انك لو تبي تسدد يعطونك خصم بسيط ما يتعدى اربعمائة ريال ...وهذا النقطة تحسب ضد البنوك
نرجع للتمويل ....عن طريق الوكالات...
كل واحد اسوأ من الثاني..
عندك تويوتا مايعترف بسمه....يعني لو عندك مديونية واسمك مدرج في سمه تقدر تطلع من عنده بكل سهولة واهم شي عندهم ثلث الراتب...واذا كنت عسكري كفيل غارم...لكن النسبة عندهم عالية جدا....12.5% لمدة اربع سنوات
بحسبة بسيطة
12.5*4=50%+دفعة اخيرة....والدفعة الاخيرة تتقسط على السنة الخامسة.....
عندك بعض الشركات زي هيونداي وتأجير ومازدا يقولك عرض خاص نسبة 2.99% ولما تروح للشركة تتفاجأ ان الفوايد 75 %!!!!
عندك بنك العربي كان عنده عرض قبل فتره اعتقد انه في حدود 3.5% عن طريق احد الاصدقاء
لكن بحكم خبرتي في عالم التأجير انصحك لاتروح لتويوتا الا اذا كنت مجرم او راعي سوابق يعني اسمك مدرج في سمه
يعني ارحم جهة انك تشتري كاش بأي طريقة تناسبك
وكل عام وانت بخير وصوما شهيا