السلام عليكم ورحمة الله وبركاتة
ومساكم الله باخير جميعاً
وهذة قصيد اعجبتي فحبيت انقلها لكم للشاعر العملاق رشيد الزلامي
يقول
أليا جهلت انشد ترى مابهـا عيـب
لا تنخدع للجهـل وأنـت السبايـب
عيب الفتى مافيـة شـك ولاريـب
ترك الفروض وقطع وصل القرايب
والعيب ترك ملازمـات المواجيـب
وتبع الردى ومجالسة كـل خايـب
فالتجربة برهـان مافيـة تكذيـب
واليا جهلت انشد من القـوم شايـب
ولا قول يوجد شايب يعلـم الغيـب
الغيب يعلـم بـه مديـر الهبايـب
لاشك يوجد شايـب لـه تجاريـب
ومن الدهر شاف الفكر والعجايـب
بيض النواصي جبهته كلهـا شيـب
من كثر ما مرت عليـة المصايـب
قد صارع الدنيا على الخبث والطيب
فالغوص وإلا فوق عوص النجايـب
وسلامتكم