اقتباس: المشاركة الأصلية كتبت بواسطة عسكري من يومه السلام عليكم ورحمة الله وبركاته اخوي اه يازمن هذا أول مشاركة لي بالمنتدى وانا حسيت من ردودك عل الشباب انك فاهم في المجال العسكري انا هندسه ميكانيكه من جامعة الملك سعود والحمدلله اجتزت الكشف الطبي بالامنيه والدفاع وانا أتمنى القوات البريه ولكن ابوي مصمم عل الامنيه انا مدري ارضي ابوي ولا نفسي مع العلم ان الراجحي اصر علي اني اكون معه بالقوات البرية واعطيته كلمة أتمنى منك اه يازمن تفيدني وبيض الله وجهك وعليكم السلام ورحمة الله وبركاته حياك الله يالغالي بين اخوانك .. وما شاء الله كثروا زملاء التخصص ان شاء الله يالغالي انك مقبول في الثنين جامعكم له ثقل خاص هذا اولا ثانيا الراجحي شخص قابلك وقابل شباب كثرين ونفس الكلام قالهم وكلها كم سنة وبيتقاعد يعني مووضوعه هين نجي في الشيء الصعب .. والله يالغالي مدري وش اقولك .. حاول نشاوره وتحاوره وقله عيوب الامنية وليه انت ما تبيها ... بس اذا تبي نصيحة مجرب .. خلك على شور الوالد صحيح انك انت اللي بتعمل .. بس صدقني يالغالي طاعته فوق كل شيء .. وله دعوة ان شاء الله انها مستجابة اخوي السطرين الجاية وجهة نظر بحثة قد يعارضني الكثير فيها اخوي الغالي دامك راغب البرية ... يعني احتمال تنقلاتك كثير .. يعني مثلا تتعين في احد اللوية اذا صار شيء في الشمال نقل اللواء كامل الشمال واذا صار شيء في الجنوب نقل يعني الشغلة مهي مضمونة في الاستقرار ... وفيه شخص اعرفه ترقى في البرية وتغيرت المدينة مع الترقية ... فاشوف الامنية احسن بكثير اقل شيء من ناحية الرواتب فيها فرق كبير هذا لو جيت في قطاع وعينك بعيد طبعا يالغالي في الاخير هي وجهة نظر وانت لك طموحاتك ولك خطة تشوفها بعد 5 سنوات و10 سنوات و... الخ الله يوفقك يالزميل