^
الدراسه الفنيه ماهي زي جندي الامن العام أو غيره من القطاعات
هاذي فيها دراسه بس الاكيد أنك تبي تستلم فوق 4500 مهما كانت ظروفك
بتقول كيف ؟!

بقولك أول شيء الدوره ثلاث شهور هاذي الاساسيه اللي بتكون لياقه وجري وأستخدام سلاح ويعلمونك الامور العسكريه

واللي يبي يوقف بعد الثلاث شهور راح يكون مراسل وراتبه مايتعدى 4500 ريال

بعدها راح يكون فيه أختبار تحديد مستوى بالانجليزي
واللي فالحين بالانجليزي ويعرفون أشياء مبدئيه
راح يكملون الدوره حسب التخصصات
فيه تخصصات تحتاج أنجليزي وفيه تخصصات ماتحتاج


التخصصات :

صواريخ (هوك)
صواريخ باتريوت
صواريخ شاهين

مدافع الفولكا
سكاي قارد

هاذي التخصصات اللي تحضرني حالياً وأعتقد فيه كذا تخصص زياده

هاذي التخصصات راح تدرسها ب 6 الى 8 شهور على حسب نوع التخصص ب معهد الدفاع الجوي بالمركز والمدرسه بجده

بعدين أنت راح تقرر كم راح يكون راتبك
لان كل تخصص له علاوه معينه
بس لو خلصت الدوره كامله اللي هي 3 شهور الاساسيه و 8 شهور الثانيه
أضمن لك على أقل تخصص بيكون راتبك فوق 5500
وركز على أقل تخصص مو أعلى تخصص


وبالتوفيق لك