أولا / باين من عدد المشاركات انك عضو جديد شويه حياك الله معنا ويارب يكتب لك القبول النهائي
ثانيا / أنا اتفق معك وبقوه اننا خرجنا عن الموضوع الأساسي اللي احنا متجمعين علشانه وصرنا ننكت ووصلت لحد السماجه وهذا شي مهو حلو وانا معك في كل شي قلته .. لكن اللي خاص بالأمنيه في هالوقت فقط شيئين .. متى تطلع النتائج وكم عدد المقبولين ؟
وهالسؤالين اولا محد يعرف يجاوب عليها ثانيا استهلكت لدرجة ما عاد نطيق نشوفها وبعض الشباب يتنرفز اذا شافها واللي يقول لك انه يعرف يجاوب منها شي نصاب واقولها بملئ فمي وقدام وجهه
ثالثا / موضوع الأمنيه كله .. إلا الأمنيه كلها من بوابتها الشرقيه الى الغربيه ما تستاهل انك تجرح صيامك عشانها
رابعا / التجمع هنا وسوالفنا أفضل من اننا نجلس ساكتين ونهمل الموضوع .. يعني انت رح لموضوع الحرس يمكن حتى تلقاه في الصفحه الرابعه او الثالثه محد يدخله ولا احد يسولف فيه كلهم ينتظرون النتائج النهائيه مات الموضوع لدرجة انه اذا احد سمع خبر جديد يخص القبول ما يكتبه لأنه يقول ما راح يصير فيه تفاعل اسكت ازين لي .. هذي فائده وجود الشباب وسوالفهم اللي هي ان الموضوع ما يموت ويصير خامل
خامسا / كلمة خيال الحمار وش فيه الحمار ياخي
قبل كان الحمار مهم وله دور تاريخي في الحياه
حتى عمر بن الخطاب رضي الله عنه كان يركب الحمار انا ماني اشرف من عمر رضي الله عنه عساني فدا حفا رجلين عمر رضي الله عنه وصاحبه صلى الله عليه وسلم
والكحيله مجرد اسم مستعار والله لاني راعي كحيله ولا شي حدي اكسنت 2009 ومسجلها خربان
سادسا / إذا عكرنا مزاجك بسماجتنا او ما تدعوه سماجه عادي اكرشنا ما عندك أي مشكله ابدا انت اخونا دامك مقدم على الامنيه ونتمنى انك ما تزعل مننا ونبيك معنا وابشر برضاك ما نسمجها بعد اليوم < فاهم يا مفترق انت ودرامز وولد الشريف ودنهل !
ما قصرت يا غالي انك نبهتنا لهالنقطه ووحياك الله معنا
وتقبل مني هديه لك
