اقتباس:
المشاركة الأصلية كتبت بواسطة عاطل بس رجل
يالعطاوي السلام عليكم
معك اخوك من ذوي عطيه انا طالبك وانا اخوك لاتجيب طاري عتيبه من بعيد او قريب
مو علئ شان شي وانا اخوك لكن هنا رجال وهنا ورعان يجيك واحد يذكر عتيبه بشي يسي لها والله العظيم وانا احلف لا يحسبونها هياط او اي شي اني اخذ 3 ايام ما انام من الغبنه
فياحبيبي مصدقينك واللي مكذبك يخسئ مافيه كذوب مثله بس لاتجيب طاري عتيبه خصوصا في هذا الموضوع لان فيه ورعان البارح شبوا علئ علشان ما عاد اطيق سخافتهم يوم تشوف في رده تقول هذا شكله ورع او اللي مربيته أمه اقول خصوصا ل ولد الشريف يا ولد انا طالبك المنتدئ ملك لك وهبه لنا ولاتفكر وانا اخوك الأ اصمل انك تترك المنتدئ ولك بوسه علئ راسك
لا عاد تدخل وانا اوعدك اني ماراح ادخل لكن وانا اخوك الناس ماعد تطيق تنكيتك الي بعيد كل البعد عن الاضحاك بل يميل الئ الهباله والسذاجه  واخوي خيال الكحيله حقك علئ راسي وانا اخوك وامر وابشر باللي تبي حقك وانا اخوك علئ راسي اذا كنت اخطيت في حقك او حق واحد من الاخوان.
وتكفئ يا العطاوي دز لي رقمك عالخاص
|
بسم الله الرحمن الرحيم
السلام عليكم ورحمة الله وبركاته
من فترة وانا اتابع الموضوع بصمت وصراحه فيه ردود جميلة فيها نقد بناء يفيد الجميع
ولكن والله شهيد على كلامي اني مااحب اتكلم على شخص او اني انقد رأيه لأنه في الاول والاخير رأيه يعبر عنه
يعني انت يااخي الكريم يارجل ردك الاول قوبل بصدر رحب من اكثر الاخوان مع انه رد فيه تجريح ولا احد رد عليك بنفس اسلوبك
ولكن صراحة ردك اجبرني اني ارد عليك وافصلك تفصييييييييييييييل
وبما انك دقيت الباب فإسمع الجواب
أولا بأبدأ في نكك اللي صراحه يطابق المثل اللي يقول { المادح نفسه كذ..... } ولا تدري كملها انت
ثانيا ابيك تعرف شيئ واحد انك يوم القيامه لاتنادى الا بإسم أمك اللي انت تعيب في تربيتها وفي يوم القيامه لاتحاسب الا على اعمالك وليس على قبيلتك حتى من هم من آل البيت وأنا واحد منهم لايحاسبون الا على اعمالهم
والله ماراح تحاسب يوم القيامه أنت من أي قبيلة أو من أي فخذ أو من أي ديرة
ثالثا قبيلة عتيبة من القبائل الكبيرة في المملكه والتي لها تقديرها واحترامها ولكن يااخي ثق تمام الثقة بأنك أنت من فتحت الباب على نفسك وجبت الكلام على نفسك فما اتذكر ان في يوم احد تكلم على قبيلة واذا كنت جديد على الموضوع فأتمنى منك مراجعة الجزء الثاني والاول وراح تشاهد بنفسك ان كل الاخوان متحابين ومتعاونين .
رابعا وهو الأهم بأن هذا المنتدى ملك للجميع وليس ملك لك أو لي أو لولد الشريف أو لأي شخص كان يهبه من يشاء
خامسا ان كنت انت من احد المتقدمين للكلية الأمنية فأنصحك والله العظيم من الآن بأن تسحب حتى لو جاك قبول نهائي لأنك ماراح تمشي فيها الدنيا سهالات وانت تبي تضيقها ترا عادي المزح شي حلو خاصة في هالوقت
سادسا : لو انك تدعي القبلية ولو انك ولد قبائل ولو انك رجل { طبعا نكك اللي يقول هالشيئ } انك ماتغلط على اي شخص بهذا المنتدى
تدري والله لو أبي أكمل ردي لتروح علي صلاة الفجر
لكن انا عندي طلب بسييييييييييييط من الأخ درامز انه يوفر حبوب نفسية لهذا الشخص ولأمثاله
وانا أخوك ترا الاعتدال زين في كل الامور
عموما حبيت اختم واقول اني { مالي لا في العير ولا في النفير }
ولعلمك أنا قدمت وردوني الكلية وأحمد الله انهم ردوني لأجل ألا أواجه أشخاص مثلك
حبيت اختم واقول كل عام وانت بخير وياليت لو انك تستخير في النقطة الخامسه تراها زينه لك ولأهلك ولجماعتك ياشيخ وربي زينه للمجتمع السعودي كله
أسأل الله أن يهديك ويشفيييييييييك
ــــــــــــــــــــــــــــــــــــــــــــــــــ ــــــــــــــــــــــ
ياشباب خذو راحتكم وافرحو وانبسطو وارقصو
الله يوفق الجميييييييييييييييييييييييييييييييييييييييييييييع