اقتباس: المشاركة الأصلية كتبت بواسطة عقيد الخيل وعاطل السلام عليكم ورحمة الله وبركاته انا خلصت اوراق الادلة والاوراق الثبوتيه بس منتظر الكشف الطبي يوم 20 /9 بس والله متخوف وانا خوك ابسالك كيف مر عليك الكشف الطبي خصوصا انا الوزن لك عليه شوي هل رح يمشوني ولا شفت شي يقلق بخصوص الوزن تكفون الي فحصو يقولولنا ايش صار في الفحص عشان نعرف ايش نسوي تكفون ياربع موفقين باذن الله آخوي الفحص سهل جدآ بس ركز معآآآي . آنتبه للنقاط زين .. العيون: كيف نظرك .؟؟ إذأ كنت ضعيف النظر روح لاقرب محل نظارات وخله يقيس لك النظر لانه قريب من فحص النظر اللي بيسوية لك الدكتور بـ 20/9 والاذن : نظف أذآنك زين لانه راح يجيب زي الكشاف صغير ويتآكد آنهم سليمات من ضعف السمع نظفهم زين وفيه مستوصفات تسوي لك غسيل لهم . الانف : نفس الكلام راح يكشف ع الانف ويتآكد آنه سليم ولا فيه شي . النفسية : راح يختبرك ويسآلك يبغى يشوفك انت عصبي المزاج او فيك حاله نفسية لا سمح الله ..!! خلك هادى جدآ ولما يسآلك رد قد السؤال فقط وخلك مبتسم .!! نجي للباطنية : راح يكشف عليك ويقول لك سويت عمليات قبل كذآ ومن هالكلام ويقول لك ارفع الفانيلة بشوف بطنك وظهرك ويديك ورجولك .. التناسلية : وهنآآآ راح يقول لك نزل ملابسك عشان يتآكد آن آعضاءك التناسلية سليمة وآنت لا تنحرج خلك طبيعي وخله يشوف شغله . الاسنان : سهل جدآ راح يقول لك آبتسم وافتح فمك . وبس اهم شي تخلص من التسوس ونظف آسنانك قبل تروح للفحص . الدم : يسحب منك دم عادي مثل آي تحليل . البول : نفس الكلام يعطيك علبة ويكتب عليها رقمك وتدخل دورة المياه (الحمام)آعزكم الله وتعبي العلبة وتعطية العلبة ويحطها بالكرتون المخصص لها . وبعدها يقولون لك روح وكمل آوراقك عند التجنيد ولما يخلص الفحص راح يرسلونه من المستشفى الى التجنيد وبعد كذآ يقولون لك تراجع الوزارة عشان يطبع قرآرك إذآ كان فحصك سليم. ملاحظة : تآكد بعد كل فحص راح يحط لك الدكتور ختم (سليم) ويوقع جنب الختم . آعتقد آن الآمر آسهل مع الشرح هذآ .::. آتمنى آني آفدتكم ولو بالقليل :: تقبوا تحيآآتي .....:: قناص بني وآيل ::....