السلام عليكم ورحمة الله وبركاته اخوي نواف ويا هلا بك

في هذه الايام انا اشوف ان انسب مشروع لك انك تشتري ثلاجة نقل سعة 3 طن وتتفق مع تجار الاسماك في الشرقية لشراء السمك و توزيعه في الرياض...الموضوع يحتاج دراسة و تعب لكن فيه خير كثير ....ادرس السوق وروح للمطاعم و الفنادق الكبيرة اعرض عليهم انك مستعد تورد لهم جميع أنواع الاسماك و الربيان الطازج وتشتريه من الشرقيه و توزعه عليهم....راس مالك فقط الثلاجة ويمكن سعرها بحدود المبلغ اللي ذكرته وايضا مبلغ بسيط اضافي لا يتعدى ال10اللاف ريال قيمة البضاعة وهي اصل ثابت اطلع منه الارباح وتعيده لدورة المشروع .


يا ناس بلدنا فيها خييير كثيير لكن مع الاسف احنا غافلين عنه....مشروع مثل هذا المشوار الواحد (من الشرقية للدمام) فيه من الفين الي 3 اللاف ريال ربح صافي...احسب انت تنقل 3 طن اسماك... حطيت ريال واحد على كل كيلو ....يعني انت حققت 3 اللاف ريال.

لا تدخل اي مشروع الا بعد بحث و دراسة دقيقة ولازم يكون عندك سائق شاطر او انت تسوق الثلاجة يكون افضل.