اقتباس:
المشاركة الأصلية كتبت بواسطة مهندس ميكآنيكي
حيلك ياصديق حيلك
انا ماقلت غش في عدد الحديد في كل عامود وبيع الباقي ولا سعّر المواد بسعر أغلى من السوق او بصفه عامه تنقّص في العمر الافتراضي للمنشأه بخلاف ماورد في المناقصه اللي انت كسبتها كما كان معمول به في بلديه جده على سبيل المثال
لكن هذه تجاره هي قائمه سواء بك او بدونك وانت اكثرنا تعرف انه الوزاره تعجز عن بناء منشأه بنفسها لعجزها في الكوادر الهندسيه وانما تقوم بترسيها على شكل مناقصات لشركات المقاولات بشروط وحدود وظوابط وش المشكله اذا تم هذا العمل بإمانه وذمه وضمير ؟؟
وبعدين لو راجعت ردودي راح تكتشف إن العقيد الراجحي كان مصر انه يحطني في هذه الاداره وانا كنت رافض مبدأها من الاسأس وحطني في القطاع اللي انا اخترته , لكن بما إن الاخ نيو مان حطه العقيد في هذه الاداره حبيت اوضح له بعض من مااعرفه وافيده بشكل او بأخر
ياغالي ,,, شوهت صورتي بحسن نيه الله يغفر لك ولنا
|
ياصديقي ياحبيبي 
ماشوهت سمعتك ولاشيء ، أرجع وشوف ماتكلمت بشكل شخصي ولاشخصنت المسالة ، أنا تكلمت عن اساس الفكرة ، وانت تدري العقول الصغيرة تناقش في الاشخاص والعقول الكبيرة تناقش في الافكار .
وانت من اهل العقول الكبيرة ، واعتقد أنها وصلتك الفكرة .
ردك كان مبنى على اساس أنك تبي تفتح مؤسسة بالباطن زي ماهو حاصل حالياً في اغلب مشاريعنا التنموية ، روح شوف إحصاءات الخمس السنوات السابقة في مؤسسة التنمية العربية عشان تعرف اننا اغنى دولة واكثر دولة تنفق على مشاريع البنية التحتية ومع ذلك هي اكثر دولة تكون مشاريعها فاشلة وتتأخر عن موعد تسليمها بكثير .
المسالة وانا اخوك قيم نبيلة واحساس بالمسئولية .
طيب ماعليش خذني على قد عقلي وقلي رايك بالسيناريو التالي واللي هو حاصل باغلب مشاريعنا :
شركة رست عليها المشروع ، صاحب الشركة صديق المهندس المشرف على المشروع .
المشروع تآخر خمس سنوات عن مدة التنفيذ + أن في اخطاء في التنفيذ .
برايك يبي يمشيها لصديقه وإلا لا ؟
ماراح اقول شركة أخوة راح اقول صديقة بس ، فما بالك باللي حاصل الحين شركات ابناء المسئولين هي القائمة على المشاريع ماتبيهم يمشون شغلهم واخطاء شركات عيالهم واللي هي بالاصل شركاتهم ؟
أتمنى أن الرسالة وصلت للزملاء ، والكلام موجه لي قبل الجميع ، ماتدري لو ربي يفتحها بوجهي واجي بقطاع حساس ويجي تحتي كذا مصلحة واقدر افتح منها كذا مشروع ، لكن فيه شيء يردني اللي هو التفكير ببناء مجد وصنع مستقبل لوطن وحضارة تسجل بالتاريخ .
اتمنى التفكير ذا ينتشر بحق وحقيقة ، الوطن بعد عشر سنوات من الآن راح يعاني من مشاكل كثيرة جداً جداً وانا اتكلم بحكم تخصص بحت والحمد لله قادر اقراء سيناريوهات لمستقبل السعودية بالشأن الاجتماعي خاصة ، الوضع ماهو طيب ، واللي يكذب ويخدرنا بكلمة ( حنا بخير وترانا محسودين ) هو يخدم مصالحة ويخدر المجتمع ويخلية مايلتففت لمشاكلة ويعالجها قبل لاينفجر صمام المجتمع .
آخ بس خليتني اتكلم وانا من النوع الثرثار لو اتكلم عن مستقبل المجتمع يمكن ما اسكت لين بكرة صلاة المغرب .
تحياتي لك ياصديقي ، وترائي بعد عشرين سنة بجيك بالمكتب وانت مدير الادارة العامة للمساحة العسكرية واتقهوا عندك
بس زين القدوع الزين وفكنا من الرسميات