اقتباس:
المشاركة الأصلية كتبت بواسطة سكوفيلد الخرج
السلام عليكم
كيف حالكم يابكالوريسيين هع
ممكن اعرف حاجة ياشباب
ياخي انتم جامعيين وتقدمون على الجيش .!!!
قدموا على حاجة افضل كلية امنية او شركات او موسسات حكومية
ام الجيش بجامعة والله حالتكم صعبة
|
اخوي الغالي سؤالك مهم واشكرك عليه .
لكن ماسألت نفسك " طال عمرك . كم في طالب ماعنده واسطه ولا يعرف احد وواسطة
" الله " ثم الشهادة اللي ذاق الامريين حتى حصل عليها .
انا ياعزيزي قدمت على جدارة " خانم " والى الان ماحصل شي و90% اني مقبول في وظيفه راقيه وراتب جيد نوعا ما
واقولها بالمفم المليان والله ثم والله لو تحصل لي وظيفه في المرتبه السابعه ويتم قبولي في وزارة
الدفاع " ضباط " اختبارالجـيــش وانا " طاير من الفرحه طاير " والان اقول يارب
تيسرها لي ولجميع اخواني .
وازيدك من الشعر بيت سبق اني تكلمت وقلت في موضوع سابق عن اني مليت وتعبت
وطفشت ووصلنا لعمر اننا نكون عون لوالدينا ونرد الدين لهم , ونعيش حياة كريمة
وتبدا في بناء مستقبلك .
اعيد واكرر: انا كنت اعمل من ايام الثانوية والى ان تخرجت من الجامعه , في شركات
وقطاع خاص مع الدراسة .
وكانت النتجيه = تطفيش + ذل + رواتب ضعيفه + ضغطك مرتفع + تعب ولا في احد يقدرك .
ياعزيزي لايصير همك الاول والاخير المادة يعني الامنية وش فيها ؟ تقولي رواتب ؟
اقولك زيادة عن " الجيش " 1000 ريال ممكن . انا ماابيها وبغنى عنها اذا كانت مافيها تطوير
و لا دورات ولا ابتعاث ولا لا لا ... الخ .
البعض يقولك الامنية مافيها " تنقل من ديره الى ديره " اقولك معليش هذي القطاعات
مافيها اختيارمثل حرس الحدود وامن الطرق مكافحة المخدرات والمباحث والقوات
الخاصه وكل هذي القطاعات يكون فيها تعينك عكس اسمك واصلك ومكان النشأه .
انا قدمت على الامنية وربي ماكتب نصيب وقلت الحمدالله وقدمت على " الجيش " وكل
تمنياتي اني انقبل والحمدالله تم قبولي مبدئي وعديت ونتظر النهائي ونقول يارب .
الكلام يطول عن هذا الموضوع . ولكن كل انسان لديه رغبات وطموح وامنيات .
ربي يوفقني ويكتبها لي ولجميع من تمنى وزارة الدفاع يارب .
تحياتي لك ...... ولا انسى اخوي الغالي ( هتان الحامد )
دمتم بخير