متى يبدأ التقديم ؟
وعندي شي بقوله : أنا قريت بالصفحات الي قبل هذي من واحد الله يهديه يآخذ ظروف الناس وحالتهم من منظور واحد أو من عين وحده فقط ..
الأخ الحبيب والرهيب : يقول ياخريجي الجامعات لا تروحون للعسكريه تراها فقر ومن هالكلام ..
وانتم يالشباب السعودي ماهمكم الا السياره وغيره
يآحبيبي أذا تدري والا لا .. ترا فيه خريجي جامعات قبل سنه من الان دخلو العسكرية برتبة جندي وبل شهادة بمويه
تتوقع سوا هالشي من فراغ ؟ والا بس تفكيره يطق سياره جديده ؟
ياخي فيه ناس عنده أهل يصرف عليهم ..
انا أعرف لك واحد تخصصه لغة انجليزيه بكالريوس .. ودخل جندي بالدفاع المدني والرجال الحين مداوم ..
بس لما سمع عن تقديم الدفاع المدني والامن العام .. انهم يعطون رقيب ووكيل رقيب تصدق بغى يبكي قدامي ؟
انغبن الرجال ..
الي بقوله لك قارن بين الوضع الاول جامعي تدخل جندي ؟ والا جامعي رقيب وبالامن العام او الدفاع المدني
تدري كم رواتب الوكيل رقيب والرقيب مع البدلات أكثر من 9 ألاف ريال تقريبا زي المدرس
وش الفرق ؟ بس بدله وثوب .. بالعكس العسكري أريح من التدريس وقرف الطلاب
وهالشي يتفق معي به مدرس لغة عربية خدمته بالتدريس للحين ثمان سنوات ..
يحلف عندي يقول لو تجيني وكيل رقيب بالدفاع المدني والا الامن العام غير يروح .. من قرف التدريس
وفيه ناس تحب التدريس .. ياخي اذا انت تحب التدريس او الوظيفه المدنية ..
ادخل الحين عسكري .. واذا جاتك تدريس والا اي وظيفه مدنيه وتبيها أرمي البدله وداوم مدرس ..
أهم شي ماتلس عاطل .. ياعمي بكل بساطه وكيل رقيب بـ 9 ألاف ريال .. والا شركة خاصة ومديرك زلمه يلعن خيرك وراتب ثلاث الالاف .. ايهما تختار ؟؟؟؟؟؟؟؟؟؟؟؟؟؟؟
فـ لا تجي تسوي نفسك تنصح الناس وانت كلامك غلط