اقتباس: المشاركة الأصلية كتبت بواسطة انطوني السلام عليكم ورحمة الله وبركاتة ( الجميع ) أول شي يا شباب أقدم أحلى اللتهاني والتبريكات لمن تم قبوله وترشيحة للوظائف التعليمية أسأل الله العلي العظيم أن تكون عونا له في الطاعة ويرزقهم من طيباتها ويجنبهم شرورها إنه سميع مجيب ياشباب الكلام للجميع وأخص بالذكر شايبنا ( عزيز الحواس ) <<<يمزح توقعاتي وتحليلي الشخصي إن وظائف العدل سيتم الإعلان عنها بعد المقابلة الشخصيية للمعلمين للتأكد من المرشحين أنهم أتمو المقابلة الشخصية ورغبتهم في التعليم لكي لا يكون هنالك تصادم بين أسماء العدل والمعلمين ولخبطة وماني عارف اييش اذا تم إحصاء المعلمين ومعرفة من تم قبوله في التعليم يسقطون أسمائهم من مفاضلة العدل وبالتالي يقدمون الذي يلية مباشرة وبعد اكتمال توزيع أوراق المباشرة على المعلمين سيتم بعدها إعلان أسماء وظائف العدل الذي لم يحالفهم الحظ في الوظائف التعليمية . خارج عن الموضوع ( شطحة ) إلى الأخوان الي ما ترشحوا للتدريس وش لك وغثا التدريس وملاحق البزارين أنا درست سنة وطلعت روحي بعدها حلفت إني ما أدرس لو يعطوني راتب 14 الف ما درست ههههههه بس لو عطوني 15 الف أفكر إحمد ربك ولا تنسى ( الخيرة فيما إختارة الله ) تتعين مدرس وتتقاعد مدرس يعني ما تحس إنك تطورت بعد 10 سنوات مدرس وبعد 20 سنة برضو مدرس وبعد 30 سنة برضو مدرس خبل وبعد ما تتقاعد تتقاعد مدرس <<<<< وكذا طالع شكلك اذا على الفلوس والراتب تطلع دبل بس أثبت نفسك وأحرص على الدورات وبتضبط وضعك أفضل من راتب المدرس أنا ما قدمت على التدريس يعني كاتب في تقديم جدارة لا أرغب في الوظائف التعليمية ولم أختبر قياس معلمين أختبرت قدرات جامعيين فقط علشاني عارف إن فيه بعض الناس بيقولون (الي ما يطول العنب حامض عنه يقول ) لا يوجد في الوضع الراهن حقوق معلم انتقلت الحقوق للطلاب أي لو يقل حياة طالب ما تقدر تسويلة شي تضربة بيضربك تطلعه للأدارة ما في فايدة تستدعي أبوة أنت يا المعلم غلطان ايش هذي المهزلة اذكر مرة من المرات كنت أشرح الدرس في مدرسة أهلية وكان طالب عندي قليل حيا رفعت صوتي علية قلت يا فلان أنا اشرح الدرس بعد معاناة طبعا معه ومع شاكلتة تدرون وش رد علي ( أستاذ لا ترفع صوتك ترى ما يدفع راتبك الاأنا ) عموما صار الي صار وطلعته وكبرت المسألة ( لا حياة لمن تنادي ) استدعيت ولي أمرة تدرون وش رد علي قال أنا مالومك انت كنت متنرفز وغلط انك ترفع صوتك علية ياللعجب . طبعا أنا موفر تعاملي لعيالي إن الله عطانا عمر وتزوجت وأنجبت ما ودي أستنزفها في التعليم لاحقين على البزران . واذكر لكم سالفة دخل علي ولي أمر طالب في المدرسة قال أنا ما أدري كيف متحمل لي اقل شي 30 طالب في الفصل أنا عندي بزرين ما تحملتهم الله يكون بعونكم .. لا تنسى روتين العمل ممل جدااااااااااااااااااااااااااااااااااااااااااٌ طبعا يا شباب ترى لا تنسون إن هذا الكلام وجهة تظر ( شخصية ) يعني تمثلني والراي رأيي الشخصي ولا أجبر أحد على انه يتقبلها والا أنه لا يتقبلها بس صراحة تعبت من سنة تدريس ويمكن أن التدريس يناسب ناس وناس ما يناسبهم عموما خلوني أفضفض لا أحد يلومني على كلامي وصراحة طلاب هالوقت وربي صعب صعب صعب التعامل معهم كل سنة يجونك عقلياتهم أصغر من السنة الي بعدها والضحية من ( المعلم ) تبون أختصر لكم كل شي في كلمة وحدة هههههههههه ( ما فيه أحد مرتاح لا معلم ولا غير معلم ) بس حبيت أهون على الي ما طلعت أسمائهم أسأل الله العلي العظيم أن يجعلنا من المقبولين في جناتة جنات النعيم ( وهذا أهم شي ) والا الدنيا ملحوقه وأسألك اللهم يا رب ان ترحمنا برحمتك وتغفر لنا وتستر عيوبنا وتفرج علينا همومنا وتفرج لنا همومنا وترزقنا من حيث لانحتسب اللهم تقبل دعائنا اللهم تقبل دعائنا اللهم تقبل دعائنا إنك سمع مجيب اللهم أمين كلام في قمه الروعه اهنيك
