شكرا لله ثم لك على ردك مهما كان و لكن...
أبغى انبهك لنقطة و هي
أنا ما خالفتك و لا رديت عليك
بس استخدمت المثال لأنه ورد و قروه الشباب و انفهم و ما قصرت في شرحه و استخدمت مثالك و شرحك اذا ما عندك مانع لا هنت
و لا كان مقصدي مخالفتك و لكن هذا رأيي و لا في خاطري اني ارد عليك و انتقدك
و انت مجرد شرحت الآلية المتبعة
فقط لا أقل و لا أكثر
و أنا انتقدت الآلية
الله يجزاك خير

* أنا الحمد لله مسلم و عارف في امور الدين و دارس شريعه
لكن أبغى أسألك لو إن احد حرمك من حقك و أنت تستاهله و ماعنده مبرر يستاهل و لا يرقى مبرره لأنه يمنعك
و ش يكون هذا
ما يكون ظلمك
و الظلم وش وضعه و حكمه ؟!!!
فأنا ما احرم و احلل من راسي زي خلق الله يوم تقول ضيع الهجمه حرااااام ما حضرت المناسبه الفلانيه حرااااام عليك فاتتك
انا أعقل من كذا و لله الحمد

* المفاضلة أمر و إجتياز الفحوصات أمر
أنا كلامي عن المفاضلة فيمن إجتاااااااااااااااااز و ليس فيمن تقدم
لكن لو 2 تقدموا و اجتازوا و صارت معهم شغلت القبليات هذا الي اتكلم عنه
مو عن واحد دكتور و خبل
هذا ما يجتاز و بالتالي لا ينطبق عليه كلامي
و فيما يخص القيادية و الأمور هذي
تكون في آخر مرحلة للمفاضلة
يوم يجتازوا كلهم مراحل الفحوصات و بما فيها المقابلة و الدكتور النفسي
تكون المفاضلة على درجات و تقييم المقابلة و الدكتور النفسي المختص

*و أظن يا عزيزي قلت
ليس الفتى من قال هذا ابي و لكن الفتى من قال هذا أنا << مدري هي كذا و لا لأ بس انه نفس المضمون و المعنى
كل قبيلة و لها تاريخها و اسمها و مافي احد له فضل على الثاني و كل القبايل نواميس برجالها و اطفالها و كلن له تاريخه الي يقارع فيه و يصرخ بأعلى صوته هذي قبيلتي
بس الكلام ذا لمن تكون شاعر
شيخ قبيلة
شغلات الهياط و المضاربات بين الشباب
و ماشابه هذي الامور
لكن لا تدخلها في وظيفة و مستقبل و مفاضلات
و لا في شخص احسن من شخص عشان نسبه
هذي من ضروب الجاهلية
و لا ماكان بلال رضي الله عنه المولى الأسود اول من رفع الأذان في الإسلام
و كان أشرف من كل قبائل المعمورة و علا بذلك على سادته من قريش
الحين لو يجيني واحد و بيقدم و أنا المسؤول أقوله وش شهادتك يقولي أنا من القبيلة (س) و الله و النعم بس وش شهادتك و تخصصك و معدلك
غيرو المفاهيم هذي و النعرات القبليه هذي
يا أخي بكره كلن بيوقف جنب غريب عن جماعته و لا هو من قبيلته هذا من الشمال و هذا من الجنوب
صف واحد على الجبهة ندافع عن وطن واحد
يجمعهم دينهم و انتمائهم الوطني
خل القبايل على جنب في الامور هذي
خلاص تاكدو من نشأتي و من أصولي و من كل شي يخص أجدادي و أصولهم
إنتهت المرحلة هذي
الحين نروح للي بعدها من فحوصات و مقابلات و مفاضلات على حسب ما ذكرت آنفا
و نعم بالقبايل كلها

* و بخصوص العسكري المسؤول الي وظف جماعته
مستحيل يكون ما ظلم أحد عشان خاطر واحد من جماعته ما يستاهل مقابل شخص مو من جماعته يستاهل
مستحيل يكون في مقعد شاغر لفلان آدمي بعينه
لو ما قدم غير هالشخص أقول على العين و الراس يستاهل
و لو مؤهلاته تدخله و توظفه في هالمكان عالعين و الراس يستاهل
لكن لا تقولي ما كان التوظيف لمن لا يستاهل ماهو على حساب أحد يستاهل
خلها تصير معك و شوف وش ردت فعلك و رأيك و انت متعلق بهذي القشه الي تنسحب منك
لأنه لابد أن يكون هناك شخص متقدم لهذا المقعد

*و أخيرا أنا قلت مو عشان التقديم و لكن أنا بطبعي كذا دمي حار و أسلوبي قد يشبه على البعض أو قد يكونو الكل بأنه عصبي و مهاوشجي
لكن و الله لا أقصد التجريح
حتى كلامي العادي و نقاشي العااااااااادي يبان كأني ازعق و لا أهاوش و لا أخاصم من تعابير وجه مكشره و عيون ناريه غاضبه يتأجج منها اللهب الحارق الذي يحرق من ...< أقول إنزح وراك و تلايط بس
و الله أنا كلامي عادي و لاهو مقصد أجرح و لا أقارع و لا غيره من أمور البغضاء و الشحناء
ترى نقاش عادي و وجهات نظر

و المعذره لو فيه أحد زعل و لا أخذ في خاطره و الله من غير قصد
العذر و السموحه

تمنياتي للجميع بالتوفيق