السلام عليكم ورحمة الله وبركاته

حيا الله المرابطات قهوة شاهي شوكلاته وش تبون تشربون
لازم تنتظرون وتنحمسون
ماحد حاس بالنار الا رجل واطيها
بس بقول شيء حلوة حركة ان كل وحده تكتب الاسم والدفعه
لاني لاحظت شيء ما تلحظون ان بنات كلية اعداد المعلمات من الدفعه الاولى هم الي ملطوعين حسبي الله فيهم
بنات قبل عشر سنين يوم كنت بالكليه كانت وحده تقول ارتاحوا ترى مافي تعيين لنا ما صدقتها
لين رحت بشهادتي مختبه ابي اقدم قالوا مانقبل كليتكم
سبحان الله ليه فاتحينها قعدنا يمكن ثلاثة سنين مانقدم من تتذكر معي هذا الشيء
فيني حرة على الخدمه المدنيه ماتنطفي
المهم حطولنا السم بالعسل رشحونا وفرحنا
قالوا انتظروا انتظرنا والله اعلم بموضوع اثبات الاقامه الله يجعله بذمتهم
حسبي الله ونعم الوكيل احس اني طولت بالكلام واذا فيه خطا بكلامي قولولي
احنا نتناقش
الله يكتب لنا الي فيه الخير وما يحرمنا فضله

وشكرا