* أنا الحمد لله مسلم و عارف في امور الدين و دارس شريعه

ماشاءالله والله يزيدك من العلم اللي يفيدك في الدنيا والاخرة .

لكن أبغى أسألك لو إن احد حرمك من حقك و أنت تستاهله و ماعنده مبرر يستاهل و لا يرقى مبرره لأنه يمنعك
و ش يكون هذا
ما يكون ظلمك
و الظلم وش وضعه و حكمه ؟!!!


فأنا ما احرم و احلل من راسي زي خلق الله يوم تقول ضيع الهجمه حرااااام ما حضرت المناسبه الفلانيه حرااااام عليك فاتتك
انا أعقل من كذا و لله الحمد

انا ماتكلمت عن ظلم وعن يظلمني ولا مايظلمني سبق واني تكلمت اكثر من مرة عن

الوظيفة وعن طريقة التقديم والمقابله . وقلت لك ياعزيزي اكثر اللي قابلوني يشوفون

اسمي ومن اي بلد واخر شي يشوفون معدلي شهاداتي


* المفاضلة أمر و إجتياز الفحوصات أمر
أنا كلامي عن المفاضلة فيمن إجتاااااااااااااااااز و ليس فيمن تقدم
لكن لو 2 تقدموا و اجتازوا و صارت معهم شغلت القبليات هذا الي اتكلم عنه
مو عن واحد دكتور و خبل
هذا ما يجتاز و بالتالي لا ينطبق عليه كلامي
و فيما يخص القيادية و الأمور هذي
تكون في آخر مرحلة للمفاضلة
يوم يجتازوا كلهم مراحل الفحوصات و بما فيها المقابلة و الدكتور النفسي
تكون المفاضلة على درجات و تقييم المقابلة و الدكتور النفسي المختص

*و أظن يا عزيزي قلت
ليس الفتى من قال هذا ابي و لكن الفتى من قال هذا أنا << مدري هي كذا و لا لأ بس انه نفس المضمون و المعنى
كل قبيلة و لها تاريخها و اسمها و مافي احد له فضل على الثاني و كل القبايل نواميس برجالها و اطفالها و كلن له تاريخه الي يقارع فيه و يصرخ بأعلى صوته هذي قبيلتي
بس الكلام ذا لمن تكون شاعر
شيخ قبيلة
شغلات الهياط و المضاربات بين الشباب
و ماشابه هذي الامور
لكن لا تدخلها في وظيفة و مستقبل و مفاضلات
و لا في شخص احسن من شخص عشان نسبه


انا ماجيت وقلت انا فلان ابن فلان ابن القبيلة الفلانية ولا جيت " اهايط " على قولتك

ياعزيزي . ولا تطرقت للهياط والمدح وذم الاخرين . كل كلامي واضح وكل الاخوان

قالو صحيح والكل يعرف كيف طريقة الفرز في الكليات العسكرية ولافي احد تكلم عن

هذا الموضوع وانشد وتكلم وقال انها عنصرية وماادري ايش الاانت فسرت كلامي على

هواك .

هذي من ضروب الجاهلية
و لا ماكان بلال رضي الله عنه المولى الأسود اول من رفع الأذان في الإسلام
و كان أشرف من كل قبائل المعمورة و علا بذلك على سادته من قريش

انا ماتطرقت ان انو عبد ولا حر . لكن للمعلومية دائم تفكيرك بالشكل احب اقولك

ان شاءالله ان هالشي ماراح يزول من مجتمعنا ان نساوي " الحر بالعبد والعبد بالحر"

مهما كان . والرسول عليه الصلاة والسلام عندما اذن لبلال باالاذان لجمال صوته .

ومو صحيح انك تساوي الحر بالعبد في كل شي . نتساوىجميعا عند الله سبحانه .

لكن في الدنيا في فروق في كل شي . مثل مافي فروق بينك وبين اخوك .

الحين لو يجيني واحد و بيقدم و أنا المسؤول

أقوله وش شهادتك يقولي أنا من القبيلة (س) و الله و النعم بس وش شهادتك و تخصصك و معدلك

الله يوفقك وتصير مسؤل . لكن في ناس تشوف الاسم قبل كل شي . وممكن توك

ماقدمت وشفت كيف المقابلات الشخصية في الغالب .

غيرو المفاهيم هذي و النعرات القبليه هذي
يا أخي بكره كلن بيوقف جنب غريب عن جماعته و لا هو من قبيلته هذا من الشمال و هذا من الجنوب
صف واحد على الجبهة ندافع عن وطن واحد
يجمعهم دينهم و انتمائهم الوطني

انت الى الان لم تصل لك الفكرة ياعزيزي


خل القبايل على جنب في الامور هذي
خلاص تاكدو من نشأتي و من أصولي و من كل شي يخص أجدادي و أصولهم
إنتهت المرحلة هذي
الحين نروح للي بعدها من فحوصات و مقابلات و مفاضلات على حسب ما ذكرت آنفا
و نعم بالقبايل كلها

* و بخصوص العسكري المسؤول الي وظف جماعته
مستحيل يكون ما ظلم أحد عشان خاطر واحد من جماعته ما يستاهل مقابل شخص مو من جماعته يستاهل
مستحيل يكون في مقعد شاغر لفلان آدمي بعينه
لو ما قدم غير هالشخص أقول على العين و الراس يستاهل
و لو مؤهلاته تدخله و توظفه في هالمكان عالعين و الراس يستاهل
لكن لا تقولي ما كان التوظيف لمن لا يستاهل ماهو على حساب أحد يستاهل
خلها تصير معك و شوف وش ردت فعلك و رأيك و انت متعلق بهذي القشه الي تنسحب منك
لأنه لابد أن يكون هناك شخص متقدم لهذا المقعد

*و أخيرا أنا قلت مو عشان التقديم و لكن أنا بطبعي كذا دمي حار و أسلوبي قد يشبه على البعض أو قد يكونو الكل بأنه عصبي و مهاوشجي
لكن و الله لا أقصد التجريح
حتى كلامي العادي و نقاشي العااااااااادي يبان كأني ازعق و لا أهاوش و لا أخاصم من تعابير وجه مكشره و عيون ناريه غاضبه يتأجج منها اللهب الحارق الذي يحرق من ...< أقول إنزح وراك و تلايط بس
و الله أنا كلامي عادي و لاهو مقصد أجرح و لا أقارع و لا غيره من أمور البغضاء و الشحناء
ترى نقاش عادي و وجهات نظر

صحيح النقاش عادي . وبالعكس انا مبسوط عندما اتناقش .

لكن شكلي ازعجت بعض الاخوان في الردود . واتأسف لهم جميعا .

وانت ياعزيزي الى الان لم تصل لك الفكرة التي اريد ايصالها

. وان كلامي بعيد كل البعد العنصرية , ودخلت المواضيع في بعضها . الله يهديك

لكن احب اقولك بما انك رجل شريعه ماشاءالله عليك .

لابد انك تكون هادئ ولاتصير مندفع في الرد . مثل زملائك في التخصص اصحاب

الشريعه ." واصحاب للحى " هذي نظرة العالم لكم انكم جافين وعصابين ولا تتفاهمو .



اكرر اسفي لكل عضو موجود معنا في الموضوع ولكل شرفني في قراءة الموضوع .

تحياتي لكم . واعتذر لكم جميعا .




و المعذره لو فيه أحد زعل و لا أخذ في خاطره و الله من غير قصد
العذر و السموحه

تمنياتي للجميع بالتوفيق