قصتي والله ياشباب مع الفشل

انا فتحت محل كمبيوتر وجولات بعد مااخذت قرض بسم الوالد 50 الف ريال لاني قررت اني ادخل التجاره من اوسع ابوابها من شدت الحماس ماعد اشوف الى المشروع ذا في راسي ونا صاحي ونا نايم الفقر جنني بس للاسف خسرت المبلغ والبضاعه وبعت الفيزه عشان اخذ بضاعه وبعدين حل علي الايجار وقبلت المحل بالبضاعه مبلغ تافه
ايجال المحل 18 ألف في السنه المشكله على شارع عام تجاري
تجهيزات المحل 16 الف مكيفين سقف وبترينات 6 حبات وبويات وجبس للمحل واشياء بسيطه تبع التعليقات الجدران
لوحه محل 2000 ريال
رسوم بلديه 1500 ريال
شريت بضاعه للكمبيوتر والجوالات كلها اكسسوارات واشياء بسيطه 11 الف
اجمالي التكلفه 50 الف ريال وبعدها اشتغلت كان دخل المحل من 80 ريال الى 180 ريال على حسب السوق والايام بس شهر وخلصت اغلب الاشياء الي كانت تمشي وطبعا معي المبلغ 5000 ريال من شغلي بالمحل غير الي صرفته مبلغ بسيط كنت اصرف يوميا المهم رحت اخذت بالخمس الاف بضاعه من الي تمشي عندنا وقبل نهايه الشهر تقريبا خلصت وخلصت معها اشياء كثيره من الي ماكانت تمشي طبعا كنت اشتري بالدرزن مااقدر اشتري بالكرتون يعني مو ذاك المكسب يطلع لي بس كنت ابي اجمع مبلغ الين اشتري بالكرتون لان الاغلبيه نصحوني قال ابدا بشيء بسيط الي يكبر المهم بعد كم يوم تورطت كل مااحد جاني طلب شيء وماهو موجود طفشو زبايني وتحملنا كلام منهم ههههه لاكن ماصفي في جيبي غير ثلاث الاف ماتشتري لي شيء رحت يمين ويسار الين دبرت خمس الاف وشريت بضاعه ونفس الشيء قعدت ونزل المبلغ بد كم شهر وطلعت الفيزاء ورحت بعتها 8 الاف وجبت بضاعه ونوعت شوي بالبضاعه قبل انتهاء السنه وانا لم اجمع حق الايجار باقي شهرين ونصف تقريبا بعدين نصحني واحد قال يااخي روح شوف المندوبين تبع الشركات خلهم يوفرو لك البضاعه بالتصريف وسددهم ورحت لفيت ودرت كل الهنود اصحاب المحلات اسئلهم عن المندوبين الي يجيبو البضاعه لهم يقولو مافيه معلوم صديق الين لقيت ابو يمن جزاه الله خير واعطاني كروت حق موزعين واتصلت عليهم وكلهم يقولو لا مافيه شركه ماترضى المهم رحت للشركه تبع واحد من الهنود المندوبين ابي اشتكي طلع المسؤل سوداني وقلت له السالفه قال انا مالي شغل الموزعين يعرفو شغلهم وهذا مو من اختصاصي وبدون نفس يتكلم معي كني جاي اشحد منه وقلت وين السعودي صاحب المؤسسه قال مسافر برى المملكه خمس اشهر ويمكن يجي ضربت الباب وقفلت الاخلاق معي وتصككت كل البيبان بوجهي وقمت اعلن عن تقبيل المحل وقعدت شهر الين جاني هندي ومن هنا وهناك اخذه مني ب11 الف بحبت الخشوم بعد ماكنت طالب فيه ثلاثين الف ريال وصلت الى 11 الف وجاب كفيله وجاني بشنطته فيها يمكن 100 رخصت محل بس هو الي فهمت منه الهنود يشترون المحلات وهم يدفعون وهو ياخذ على الاسم فقط شهريا 400 ريال ولا يدري عنهم الهندي ترسه المحل بالبضاعه الين قال بس وهاتك العالم والزحمه عنده وجاب فني صيانه معاه وانا كنت اعمل الصيانه بنفسي

بس ابيكم تفهمون ان لاحد يفتح محل مايحسب كل شيء بورقه وقلم ويسئل قبل كل شيء لان الاجنبي الشركات والموزعين يوقفون معاه والسعودي ماحد يوقف معه الى فلوسك
لازم يكون عندك مبلغ كبير عشان تفتح محل لانه انا محلي كلف خمسين الف على قد الفلوس الي معي بس ماحسبت حساب البضاعه الكافيه للمحل وماحسبت ايجار سنه ثانيه احتياطي لان السنه الاولى يمكن تنزنق ماتقدر توفر الايجار انا لو كان معي مبلغ 100 ألف او اكثر شوي كان يمكن كنت اتوفق في المشروع بس العجله والتسرع