خذ راحتك حبيبي على فكرة ترى فيه ثلاث مراحل قبول الاولى قبول مبدئي تروح تسوي وزن وطول ونظر واختبار عمى اللوان بعدها تنتظر قبول المرحلة الثانيه اذا جاك قبول تروح الظهران طبعا يومين اليوم الاول تسوي تحليل بول الله يكرمكم وقياس الظغط والطول والوزن بعدها تدخل غرفه ثانيه اختبار نظر وبعدها تدخل غرفه فيها امريكي يفحص البتاع اذا خلصت من ذي كلها يردونكم للمقر في الظهران ويجيكم عسكري معه ورقه فيها اسماء المستبعدين الي يسمع اسمه يستبعد((كان فيه واحد من الشباب الطول ماشاء الله عليه بس الوزن قليل واستبعد ولكن مااكذب عليك هو من الوزن ولا من شاء ثاني )) والباقين يقول تجون بكرة صائمين اليوم الثاني تروحون المقر ومن المقر على الباصات وعلى المستشفى وتسوي اشعه وتحليل دم وترجعون المقر وبعدها اختبار التحريري ثم المقابله الشخصيه العربيه وبعدها الانجليزيه اذا خلصت ذي كلها يقول على الباص وتروحون تسون اختبار لياقه واخيرا المرحله القبول النهائي اذا جتك هذة المرحلة جهز شنطتك