المشاركة الأصلية كتبت بواسطة وكيل رقيب صحي

بأختصار شديد

المباحث :
سلطه وهيبه وجبروت حتى لو انك جندي مجرد مايشوفون بطاقتك الدنيا ماعاد تشيل اللي شافها حتى لو انه لواء
واي مكان تروح له ويرفضون دخولك اي مكان ابرز هويتك وتدخل غصب عنهم
وثل ماهو معروف: (حبر المباحث سم )
لكن تراها تعب وعمل شديد بيحللون كل هلله تاخذها وتطلع مهمات ومراقبات وتجسس .... الخ
انا اخوي في المباحث برتبة عقيد صح ان عمداء والويه يخافون منه لكن ضغط عمل
صح راتب لكن تدري وش يقولي :
يقولي تعطيني رتبتك بالقوات المسلحه واعطيم رتبتي بالمباحث يقول ماهمني الراتب ابي اتبطح في البيت مثلك عمل بسيط وكل اسبوع رخصه حتى لو يعطوني راتب 3000 ريال

وبالنسبه للي يقول انت بتظلم الناس
انا عسكري وانفذ الاوامر سواء كانت صحيحه ام خاطئه
( وشوف صوره القسم بتوقيعي )
اذا فيها احد ظالم فالظالم هو من يصدر الامر ويتخذ القرا ر اما انا فعبدا مأمور

الدفاع المدني :
ياحبني له استلام بلوت وبنت سبيت وتريكس
ولا روح لهم مواصل وارقد عندهم
والراتب مايفرق عن المباحث كثير
بس انك بتشوف مناظر بشعه جدا لكن مع الوقت بتتعود مثل المسعفين والممرضين

نصيحه اخ لاخوه:
الراتب في القطاعين مايفرق كثير
لكن انت شوف انت وش تبي
هل انت ماتحب العمل وماتتحمل ضغوط روح للدفاع المدني
واذا انت من النوع اللي مايحب يجلس بدون شغل ويحب العمل ويروح ويجي روح للمباحث
واكرر لاتقيس ع الراتب لان الفرق ماهو كثير بينهم
وحتى لو كثير فيه ناس يكون راتبه 10000 ريال ومضغوط في العنمل ويتمنى 2000 ريال بس بعمل مريح
الراتب ماهو كل شئ
والقطاعين اللي ذكرتها الفرق بينها مو كثير


موفق بأذن الله .... لك مني اجمل تحيه