المشاركة الأصلية كتبت بواسطة 15000

لاشكر على واجب حاضرين استاذي
بالنسبة للدينات والتريلات تحتاج شيئين مهمة قبل البدء فيها :
اولاً السواق العاقل .. مايكون راعي حبوب وراعي كرف ينهي لك قطع السيارة وكل شوي تلقاها فاتحه فمها بسبة سواقته .
ثانياً هو العقد التشغيلي .. تضمن العقد قبل السيارة عن طريق العلاقات او الله يوفقك وتلقى لك شركة طالبة تريلات وتقدم اوراقك معها وحط في بالك العقود ماتجي بالساهل ولاهي مرمية على جوانب الطريق ماتجي الا بواسطة والواسطة بياكل معك او بتوفيق من الله وسهالة .

في تريلات دخلها اليومي من العقود يتراوح مابين 800 الى 1500 ريال - ماشاءالله تبارك الله- لكنها معروضة للبيع بسعر عالي جداً ضعف وضعفين المبلغ المتوفر معاك .

إذا انت في جدة مع ازمة المياه اللي للاسف تعيشها جدة على مدار السنة بإمكانك تشتري وايت ســكــس وتنقل كفالة سائقه عليك ، يشترط يكون هالوايت مشترك في التحلية بمعنى تصرف لك كوبونات تعبئة مياه - سعرها على حد علمي قرابة الـ 14 ريال للكوبون الواحد - وتسعيرة الرد الواحد على حسب المنطقة المتجه لها الوايت ، تطلب من سائق الوايت مبلغ معين يومياً 400 او 500 ريال مثلاً والباقي له ، وعليه الديزل وقسائم ساهر وانت عليك الصيانة الدورية للتريلة ، بيدخل لك مبلغ طيب شهرياً ان شاء الله .

ماشاءالله تبارك الرحمن المبلغ المتوفر معك يفتح لك مجال كبير للاستثمار في امور كثيرة اولاً واخيراً تعتمد على توجهك وميولك واهتماماتك والله يبارك لك فيما رزقك ويوفقك في مشروعك ان شاء الله اياً كان .