شكرا لكل اللي باركولي عقبال عندكم يارب
اقتباس:
المشاركة الأصلية كتبت بواسطة سُمو انسآإنه
مساء الخير بنات 
اليوم رحت اطابق بالرياض
صراحه ترتيب وتنظيم حلو مع انه خرب السستم اليوم وطولوا على ما فتحوه من جديد
طابقت وخلصت الحمد لله وسألت الموظفه بس تحلف انها ما تدري عن شيء ونشبت لها
قالت خلاص روحي لمسئوله التوظيف وقالت لي مكتبها وين
الادهى اني وانا اسال هالمسئوله كل شيء تقول مدري كانها خايفه مدري وش سالفتهم !!
قلت وش فرق هالدفعه عن اللي قبلها ؟ قالت مثلها مثل اللي قبلها " وتنفخ بعد " 
قلت طيب ليه ما حطيتوا المدن قالت عادي كل وحده عارفه وينها مقدمه فيه 
قلت اوكي فيه دفعات ثانيه ؟ قالت طلع اسمك وش تبين بعد  " وربي بالحرف الواحد قايله هالشيء  "
قمت قلت عشان اختي وصديقاتي قالت مدري عن الوزاره اذا بتنزل والا لا 
قلت طيب واثبات الاقامه ملغي من هالدفعه والا لا ؟ قالت اثبات الاقامه مطلوب للسنه الجايه 
وبس  |
يعطيك العافيه سمو الله يتمم امورك على خير ...
أنا راح اطابق بكره بإذن الله بفرع الرياض وان شاء الله تتيسر الأمور واقابل بوجيه سمحه مو وجيه تقطع الرزق استغفر الله عاد الموظفات هاذولي خلقة ينافخون عاد برمضان كيف الله يرحم حالنا بس ..
بس ضاق صدري يوم قلتي اثبات الإقامه راح يطبقونه.. بس اعتقد حاليا هم ماراح يطلبونه مني الا في حالة ترشيحي للمقابله الشخصيه صح والا انا غلطانه ..؟؟؟
شكرا لرحابة صدرك 