مساء الخير
اخوي انا بقدم لك نصيحتي وانت براحتك
لمن تخلص دبلومك تضمن تتوظف او بالاصح لك معارف وواسطات بالوظيفه المدنيه
بعدين اخوي المدنيه للاسف اما تعاقد او بند اجور ولووحصلت لك بند افضل من تعاقد بشرط
مرتبه فوق ب اما ج او د افضل مراتب البند خاصه بعد الزيادات والتعديل الجديد على سلم الرواتب
اذا انت بحاجه ماسه للوظيفه بالعربي حالتك الماديه مضطر انك تتوظف بقرب فرصه
فأنا اقولك توظف عسكري بس خل فكرك مثل قبل ماتدخل العسكريه
لان مستقبل المدني افضل ولمن اقولك خل فكرك مثل قبل ماتدخل العسكريه
ابيك تواصل وتكون طموح خذ لك عسكريه بشرط تضمن دورتك وين تكون +تعيينك
ترا فيه اشياء نحبها لكن تجبرك الضروف تتركها وتتعب نفسيتك
مثلا لو توظفت بالرياض وانت من اهل الشمال
بتتعب ونفسيتك مو زي الي يداوم بالرياض ومنها
العسكريه بهالوضع الحالي افضل من ناحيه الرواتب
المدنيه افضل كراحه وراتب نوع ما مناسب مو بالحيل لكن افضل شوي خاصه بعد التعديل
البشر تشتري راحتها وناس تشتري الفلوس ومايهمها كيف العمل والكرف ووو
انا اقولك ترجع لنفسك وقرر
ومثل ماتفضلو الاخوان كمل دراستك الى اقل شي يجيك قبول نهائي بعدين تقدر تنسحب
والله يوفقك ويسهل لك امرك ويسعدك
