اقتباس:
المشاركة الأصلية كتبت بواسطة خيال الكحيله
السلام عليكم ورحمة الله وبركاته
اليوم يا شباب دقيت عليهم
قسم بالله اسوأ من نفسية هالادمي مافيه
فكرت اقفل في وجهه وهو يتكلم واستحيت من نفسي
فكرت اقول له اني بس مقدم عليكم من باب " لا صرت جمال واعد عشره " واستحيت من نفسي
أنا : السلام عليكم ورحمة الله وبركاته
هو : عليكم السلام
أنا : صباح الخير
هو : هلا
أنا : لو سمحت يا غالي انا جتني رسالة القبول من الوزاره لكن المشكله اني بعيد مره عن الرياض ولا لقيت حجز ولا عندي سياره اقدر اجي عليها
هو : أنت وين الحين ؟
أنا : في أبها
هو : طيب ما لقيت حجز تعال مع كداد
أنا : هذي 1200 كيلو مهي لعب وبعدين أجي اخذ موعد ما ياخذ الا 10 دقايق وارجع مشوار ثاني
هو : ياخي انت في ابها قريب في ناس جايين من شروره وناس جايين من تبوك " يتوقع اني ثانوي "
أنا : " بغيت أقفل في وجهه " طيب يعني ما اقدر
هو : إذا ما جيت جابوا واحد غيرك
أنا : عساه يتهنا فيها اجل انا مقبول في الأمنيه وبروح لها ولا بجيكم لانك عينه من موظفين وزارة الدفاع وباين ان عليكم ضغط واخلاقكم زفت من سوء التعامل على العموم مشكور على المعلومات اللي افدتني فيها والله لا يهينك ... وبعدها خليته يسمع صوت القطار طوووط طووووط طووووط
صديق الوزراء اشهد بالله انك نعم الرجل والله العظيم
مهو عشانك بتكفيني وتروح تسأل لاااا
بس تعاملك من بداية الموضوع الاول وانا اسمع صديق الوزراء صديق الوزراء بدون ما اشوف مشاركتك يدل ان كل اللي في الموضوع يقدرونك ويعزونك بيض الله وجهك وان شاء الله نشوفك في المكان الزين وفي القطاع الزين
|
ماعليك وانا أخوك منه ولاتاخذ في خاطرك ، اسلوبه لايعبر إلا عن ذاته ، ولا اظنك بتعمم الموقف هذا على الباقين من اللجان ، أقسم بالله ولا اقولها مجاملة أن غالبية العاملين باللجان واللي احتكيت معهم وهذي شهادة أسئل عنها يوم القيامة ، أنهم يتعاملون مع الجامعي غير ، يارجل تحس أن على كفتك ( تاج ) وانت لسى مانقبلت ولاتخرجت من الدورة ، تعاملهم غير مع الجامعيين .
عموماً أنت تواصل معي الليلة على الخاص ، وياليت تحرك الحين من ابها وتجي إن شاء الله أنك تبي تخلص بكرة مرة وحدة وعلى وعد الرجال رئيس الرقباء لي ، المهم لاتضيع على نفسك فرصة وتندم بعدين إذا كان لك رغبة بوزارة الدفاع ، وانا أنصحك فيها بقوة إذا كان تخصصك ( هندسة أو حاسب أوطب ) تؤكل على الله وتعال الليله وبكرة تأخذ موعدك والرجال ماراح يقصر معك إن شاء الله أنه يبي يخليك تنجز بنفس اليوم ، بس تراه شرط علي شرط ، يقول إذا ما جاء احد لموعده راح اخليه بداله وسوالي كذا 
وقال دامة من برى الرياض يعتبر ضيف علينا وواجب أننا نفزع له .