اقتباس: المشاركة الأصلية كتبت بواسطة صديق الوزراء حبيبنا ، لسى على الدورة ، وإن شاء الله لنا موضوع جديد عن الدورة راح ارستكة لكم من الحين وبنطرحة بعد العيد للعموم ، وياليت اللي يعرفون الشباب اللي مقبولين معنا ولايشاركون هنا بالمنتدى تخبرونهم يشاركون معنا بالموضوع هذا والموضوع القادم حتى يستفيد العموم . أعجبتني كلمة ( العموم ) أحس أني برددها في الميدان ( العموم أنصراف ) بالنسبة للزعامة ، حسيت أن السالفة وراها مطامع زيك زي " ظافر ولد ابو الذهب " اللي بمسلسل ( الزعيم ) ياباطل <-- قلب شامي عموماً الزعامة بالنسبة لي معيارها غير عندي ، مش بالسن ولا بالتخصص وبالمعدل. معيارها عندي كالتالي : 1- لديه قدرة على تحمل المسئولية ، يعني مالها داعي يكون قائد فصيلنا زلابة ولايقدر يتحمل المسئولية . 2- يقدر ينفع اخوياة ويفكهم من الجزوات ، يعني شخصيته عند المدربين قوية ويتحرمونة إذا توسط لاخوياة . 3- فية صفات قيادية مثل : ( الثقة بالنفس ، الحكمة ، العدل والمساواة بين زملائه وعدم تحزية مع أحد ، الوعي ) 4- تعامله مع أخوية يكون متواضع ، يعني شوفة النفس عشانة رقيب مدري عريف الفصيل ، ما أحبها ، وياما سمعت سوالف الدورات العسكرية كثيرة ، بعضهم كان يمدح رقيب الفصيل وكلن يحبه ، وبعضهم كلن يسبه ولايدانية لان نظامه مع أخوياة كان أقشر وفيه شوفة نفس . عموماً تراني مرشحك من الآن صديق الوزرا عندي سوال انت تخصصك قانون؟؟؟؟ لاني شفت واحد يوم الثلاثاء في الفحص الطبي معه قانون وجلس يعزف الا ان جاء دوره
