ادعي هالأدعية وأنا أختك .. وربي يفرجها عليك عاجلا غير آجل بإذنه تعالى
بالنسبة للمصارية .. مدري إيش عادة بيقولولك عشان يغصبوك على الشغل اللي ماهو من اختصاصك بس مافي غير تسوق العبط عليهم
يعني مثلا: لما يطلبوا منك تعمل شغل المحاسبة (انتبه لا توقع باسمك .. ولا تسجّل اسم الشخص اللي طلب منك هالشغلة عشان لا تُحسب له .. اكتب مثلا: إعداد فلان الفلاني ويُنتظر مراجعة فلان الفلاني .. حتى على الفاتورة نفسها) لأن في حالة الخطأ تقدر تفلت منها .. ولو مسكوا عليك الغلط قولهم "هو أنا عقلي دفتر؟ .. بصراحة ماعندي شهادة محاسبة ليه جايين تتلفسفوا على مخي؟"
لما يطلبوا منك تعمل مشاوير للشغل على سيارتك الخاصة (اطلب حق البنزين أو التاكسي مقدما) قولهم ماعندك حق بنزين ولا حق تاكسي وسيارتك ماخذها أخوك ولا ولد جيرانكم ولا أي أحد في الحياة!
إذا لك أحد تعرفه في المحاسبة .. خليه يطلع القيود حق آخر 3-4 أشهر وفيها تحويلهم للراتب على حسابك الشخصي واحتفظ بالنسخ ........ وكمان احتفظ بكشوفات البنك اللي تبيّن نزول راتب كل شهر
وزي ماقلتلك .. اضغط عليهم في البدلات وإسألهم بالصريح ليه ماعدّلتوا وضعي طالما إنكم رفعتوا طلب ومستنيين موافقة من مدير الشركة يعني إنتو عارفين إن هذه حقوقي .. وماأظن المدير راح يسكت لما يكون فيه متأخرات من حقي ؟؟؟
لو هم مايعرفوا يوصلوا لمدير الشركة لازم إنت تعرف توصل لبيته ....................... إسأل سواقين الشركة وأحيانا صبيان الشاي (اللي يعملوا المشروبات للموظفين .. غالبا يكونوا من الهنود والسريلانكيين بس خلي علاقتك فيهم حلوة وبما يرضي الله) ترى هم اللي يعرفوا كل شي في الشركة والله من عيلة المدير لمواعيد سفره لعنوان بيته لمدارس عياله (هذه أنا جربتها وشفتها بنفسي كثير)
ومافي غير إنك تروح للمدير عند باب بيته وتشرح وضعك بأمانة وأدب وإذا فيه خير ماراح يسكت عن حقوقك وراح يرضيك ... لو مافيه خير هو كمان -لا قدر الله- فهذه علامة من الله إنك تجدّ في البحث عن وظيفة جديدة تكفيك شر السؤال
ماقلتلي أخوي .. إيش اسم الشركة أو في أي مدينة تشتغل ؟؟؟
الله يفرجها عليك .. قادر ياكريم 