طبعا ملاحظة الواسطه فوق القانون <<<< حقيقه مره و صعب التعليق لانه يوجد من ينفي ذلك ويوجد من يؤكد ذلك
لاني اشوف عالم تسأل تقول لو بنقل من قطاع لو بسوي كذا لو لو لو ... بالطريقة النظاميه الوضع صعب الى شبه معقد لكن بالواسطه تمشي سهالات حتى بالتعيين لو طلع تعيينك في عرعر تقدر بيومين تغير تعيينك الى الرياض حتى لو ما داومت بعرعر فعادي يا ربع الواسطات :$
الي يدور على الراتب والبدلات وجاه قبول بالامنيه يروح للامنيه / طبعا الي مقدم على وزارة الدفاع هل تم تعيينكم في مكان معين بالدفاع يعني ادارة هندسية او شي عشان اقدر احكم واقارن واسأل
سؤال لك انت في ايام تقديماتك وين قدمت وليش اخترت الحرس انقل لنا تجربتك وخبرتك بصراحه الحديث معك جميل وتستاهل كل خير 
هل قدمت على وزارة الدفاع بما ان تخصصك هندس حاسب وش تنصح فيه بين الجهات العسكريه المختلفه ,, وزارة الدفاع ما ادري اي قطاع سيتم توجيهي له ولكن احتمال البريه الله اعلم لكن اذا لديك معلومات اكثر بخصوص وزارة الدفاع والقوات المختلفه ياليت تفيديني وفقك الله
عاطل يوم تقول شهاده واقطعها وانا اخوك حتى لو عاملوك مهندس كهربائي وش راح تستفيد !!؟
سلاح لاشارة يتعامل اكثر شي مع الاتصالات والكهرباء لانها كلها اجهزة اتصالات وهوائيات يعني العمل فيه نوع من المتعه
ياخي تقدر انك تطور نفسك وان كان التطوير فيه نوع من الصعوبة لانه راح الكراسي تجي محدوده يعني بالسنة تقريبا كرسيين او ثلاثه ويتنافس عليها كل سلاح الاشارة بالمملكة وانت واقدميتك
يعني لو جيت السنة الجايه يا مهندس وكان فيه كرسي دورة في امريكا مثلا وقدمت انا واياك بس راح اطلع انا لاني اقدم منك << مجرد مثال ههههههههههههه
لكن عموما فيه تطوير وتقدر تاخذ دورات ان بغيت خارجيه او داخليه لكن يبي لك تنتظر لان المقاعد محدودة صعب ياخذونهم كلهم دورة وعموما راح تطلع دورة راح تطلع دورة لانها اجبارية عليك فلا تخاف من هالناحيه
وترى كل ما جمعت ( 12 شهر ) دورات يزيد راتبك 4 %
الابتعاث للماجيستير يقال انه صعب ومعقد لكن ما تدري وش ممكن يصير في قادم الايام
الترقيات بالحرس جدا جدا ممتازة يعني ما اعتقد انك ممكن تتاخر اكثر من سنة في اقصى الحدود يعني شوف احنا الان استملنا رواتبنا كامله ومستحقاتنا عكس الامنيه الي ينتظرون الي شهر 12 ويمكن يتاخرون بعد وللحين ما ينزل لهم الا مكافاه كليه 3200 !!!
وبدل الحاسب ياخي مدري سلاح الاشارة خايف على ميزانيه الحرس والا وش وضعهم لان فيه بدلات طريقة صرفها غبيه كثيرة حتى اخرها افراد الورش صارفين لهم بدل خطر وبدال ما يصرفون لكل افراد الورش صارفين لعدد معين بس !!
وتراها ما تصرف بالحرس كذا لمجرد العباطه يقولون انكم ما تزاولون تخصص !! يعني بالعربي ما نبي نعطيكم فلوس وبس هههههههههههههههههههه
هل الامر احزنني بصراحه ولا ادري معقوله الى الان لم يحدث تغيير بشأن البدل !!
سؤالي هل سلاح الاشاره فيه ادارة للحاسب بحيث تمارس تخصصك ومنها تستحق البدل
او بشكل عام سلاح الاشاره لا يعطي هذا البدل فقط !!
لانه ظلم ..والامير متعب حفظه الله ما يقصر اذا طالبتو بحقكم
ما ادري هل رفعتو خطاب بشأن ذلك للرئاسه؟
وهذا سبب عزوف المهندسين وهروبهم بعد ما يطور نفسه ولغته ويروح للشركات وخلها في بالك من يوم تداوم وانت طور نفسك وحاول تسوق لنفسك وخلي العسكرية سلم للحصول على ماهو ازين
كأنك تقول >> بعد ما تكتسب خبره من العسكريه وتضمن وظيفه افضل اترك العسكريه
اي ان العسكريه وبالاخص قطاع سلاح الاشاره << ليست بالوظيفه المرموقه لما فيها من بعض الامور قد ذكرتها انت وبعضها لم تذكرها بشكل ادق ومفصل
والتعامل مع الافراد هناك في الغالب يسمو عليه الود لأنهم متعلمين وفنيين وجامعيين يعني ما راح تتعب كثير معهم
اوووف احس اني تعبت وتعبتكم معي وان بغيتوا شي ان شاء الله اننا ما نبي نقصر معكم ونبي نخلي حياة الكلية لوقت دخولكم للكليه هههههههههههه