اول شي اشكر لكن حسن الظن باخوكم واحنا ما سوينا هالي نسويه الا من تجربه لنا العام كنا نتمنى اي شخص قبلنا نسأله ونستفسر منه لذلك تشوفنا متوقعين منكم اي شي

قانون /

ميزتكم انكم ثاني دفعه تقبل بالحرس من القانون والدفعه الي قبلكم كلهم تعينوا في الادارة القانونية
وحاليا يرتبون انهم يخلون لهم قسم مستقل لان الي معهم كلهم مدنيين فيبون يفصلونهم

عموما مااعتقد ان فيه لكم مميزات حاليه وش تقصد بالمميزات ..؟

عملكم يكون في الدفاع عن الحرس ضد اي شكوى مقدمه سواء من افراد او ضباط او مؤسسات وهكذا

واعتقد انه ممكن انكم بعدين تروحون للمحاكمات العسكرية او شؤن الضباط و الافراد


سفير العيينة /

تسلم على ثقتك يا الغالي

شوف خذها مني وانا اخوك انت اكثر واحد تعرف ان القبول في الكليات العسكرية بعد توفيق الله يعتمد على 99.99 % واسطة

لذلك ما راح يسقطون اسمك لا تخاف وصدقني لو انقلبت في الحرس تراه افضل الف مرة لك من الدفاع الا ان كنت في الطيران والا ترى الحرس افضل الف مرة وانا اخوك

محامي /

جاوبتك يا الغالي فوق مع قانوون

وترى سلاح الاشارة مو شين يا الربع والله اني استهبل معكم لا تخافون منه هههههههههههههه يعني انتم يا القانونيين ما عندكم اي بدل للعلم فقط يعني مثلنا مثلكم

ايه يحطون عليكم طالب نهائي قيادي لكن بعضهم وبكل امانة يكونون رجال ولا يمنع من اننا نعلمكم كل الامور هذي لا طلعت النتايج لا تخافون نبي نعلمكم شلون تتعاملون مع الجميع

واسألوا عن دفعه 22 وفعايلهم في الكليه ههههههههههههههههه

ههههههههههههههههههههههههه تبي جاكوزي اجل هو فيه صاله حديد وفيه مسبح ونادي رياضي ( سله - طايرة - تنس - قدم ) لكن الدخول لها في ايام محدده وقليل

عاطل /

ترى تعامل سلاح الاشارة جدا راقي كاخلاق وعمل لكن الامور الماليه ليست مسؤوليتهم هذي من الادارة الماليه للحرس ككل يعني مو بيدهم شي وصدقني هم يسعون اكثر منا في توفير البدلات عشان يحافظون على ضباطهم وافرادهم

والزياده سنوية وانا اخوك بمقدار 440 ريال اذا ما خانتني الذاكرة

وبعدين 8 سنين ولا شي توك في عز شبابك وتكون قدرت تستفيد من الدورات الي يقدمها الحرس خلال هالفترة والتعامل مع الشركات الاجنبيه وتطوير نفسك

امممممم صراحه مقدر اقول لك مدة زمنية محدده لأنه ممكن هالسنة يجي مقعد على دورة بامريكا ويكونون الي اقدم منك في دورات اخرى او مهمات او يرفض مديرهم المباشر سفرهم لحاجته لهم في العمل او هم يرفضون السفر وتلاقي نفسك المرشح الوحيد عرفت !

عموما الدورات الخارجيه تتطلب انك تكون متقن للغه لانه فيه اختبار لازم تجتازه ما اجتزته تضطر انك تدخل معهد اللغه بالحرس وهذا الي يعد من افضل المعاااهد بالمملكة

لكن نظريا انت عندك 9 سنين قبل ترقيتك الى رائد وهذي لازم تاخذ خلالها دورتين ( تأسيسية ومتقدمة ) وبين كل دورة ودورة لازم يكون سنة حرمان