اخوي عبدالعزيز راح اسويلك مقارنة بالمنطق والعقل واختار ماتريد

انا معلم في مدرسة اهلية راتبي 3500 حلو ؟؟
معنا إداريين جامعيين تخصص حاسب تقريبا يستلمو 3000 الاف .

لكن المدارس الاهلية مالها امان يعني بأي وقت يقولك مع الباب ..
ولاتنسى ان الصيف ورمضان ووقت الإجازات مافيه رواتب لك ..
وانت رجل تبي راتب ثابت وشغله يكفي انها حكومية .
حكومية تعدل كل سنة علاواات راتب تقدر توقف على رجليك تتزوج تشوف عمرك
يعني اقولك وكيل رقيب بالامن العام ياعزيزي راح يكون راتبك 8700 اقل شيء
واخذ العلم الأكيد واتركك من الي يطبلون لك ويقولون رح كاتب
والله بكره ماينفعونك انا انصحك نصيحة اخو وانت بكيفك ..
احمد ربك راح يعطونك وكيل رقيب وانت دبلوم .
انا بكالريوس وكيل رقيب زيك ويمكن احصلك بالدورة
هذي حال الدنيا وانا خوك وبأذن الله تتعين في مدينة هلك
لان الاحتياج كبير جدا وطالبين فوق 20 الف عسكري

انا انصحك نصيحة اخو ولا انا ماعرفك وانت ماتعرفني ..
راح عسكرية ولا تشاور .. واذا انك ماتبي تكون عسكري ومتردد هذا شيء ثاني .. لكن لاتنسى انهم جامعيون وجنود والان صارو وكلاء رقباء
يعني دبلوم حاليا مثل الثانوية ماله اي قيمة ..
واحمد ربك انهم راح يعطونك وكيل رقيب الكل يتمناها ..

انت في بلد المليون عاطل استغل الفرص وصدقني قد لاتعود مجددا
لاني هذي سنة طفره ووظائف وبكرة اذا مادخلتها راح تندم وتعض الانامل
نصيحة لوجة الله شوفنا في لليلة 27 انصحك رح العسكرية
كلها 6 شهور بالكثير وانت مخلص وسهالات ..

وراتبك يجيبلك سياره وتفتح بيت وتتزوج وتشوف عمرك من بدري ..
شفني وانا خوك كنت اكابر وااقول معي جامعة مابي الوظيفة هذذي
وبالاخير الانسان يكون قنوع ويرضى بما قسمه الله لك .
اتمنى اشوفك معي بالدوره بمكة ياصديقي