اقتباس:
المشاركة الأصلية كتبت بواسطة الله يلطف بنا
والله ياصاحبي كتبت كل شي واخذت الايجابيات والسلبيات لكل جهة
الله يسعد صديق الوزراء ما قصر فتح لنا هالموضوع
وكل ما سألت واحد يقولي الامنية الاواحد في الدفاع الجوي يقولي رح الدفاع
وانا محتار والله العظيم ان مخي ضارب
|
طيب بعد اذن الشباب وش رايك ندردش هنا 
بما ان الوالد الله يحفظه ضابط بوزارة الدفاع
واخوي ايضا خريج الكلية الامنية
ولي اقارب كثيرين عسكر وشباب كثرين سألتهم
انا بعطيك المقارنات
يهمك الجانب المادي ؟؟؟
بالنسبة للرواتب فيه فرق كبير بالنسبة للامنية
يعني ممكن في الدفاع تركب كامري وفي الامنية لكزس
بالنسبة للمجتمع اللي انا فيه والله لو انك رقيب في المرور احسن من ملازم في وزارة الدفاع من ناحية الوجاهة لانه ممكن يحتاجك
والامنية بكافة قطاعاتها له هيبة اكثر من الدفاع وهذا شيء ما نختلف فيه
بالنسبة للراحة وهذا من اكثر الاشياء اللي مطمعني في وزارة الدفاع .. اريح كثير من الامنية ومقارنتي هذي بالجوية لي بعض الملاحظات على القطاعات الثانية
جدا مريحة .. الوالد ما يستلم الا مرة في الشهر واخوي كل ثلاثة ايام والرابع استلام
بالنسبة للبعثات والدورات متوفرة اكثر بوزارة الدفاع اقصد العلمية منها .. اتوقع اذا رحت قطاع مثل كلية الملك فهد الامنية او مثلا المخدرات .. راح تكون لك فرصة كبيرة في الصاعقة والمظلات
اما اذا تبي دورات علمية فرصة الدفاع احسن كثير
نصيحة والدي لي .. واخوي ايضا ... روح للقوات الجوية واذا ما جات خلك بالامنية واذا تشك واحد بالمية انك في غير الجوية خلك في الامنية
للمعلومية انا ضامن الجوية بنسبة 90 % ولي معارف بوزارة الدفاع اعطتني النسبة ومع ذلك اذا ما تأكدك 100 % راح اروح للامنية
هذا اللي يجول في خاطري وللمعلومية هذي وجهة نظري لا تبني عليها قرار .. وحاول تستشير اكثر واكثر
اخوي الغالي خلنا ندرش كلنا هنا .. يمكن الشباب يفيدونك اكثر وكل شخص له وجهة نظر وله طموحات
يالغالين استاذنكم بروح اشتري سحور واتسحر ولي عودة ان شاء الله