شوفي ياحلوه

انا رأيي ان تعريف الأشخاص ذوي الاحتياجات الخاصة (هم اشخاص لايستطيعون العيش الا بمساعدة)

وانتي بسم الله عليك مافيك الا العافية ..تطلعين وتروحين وتجين ,وتشترين..

تحتاجين احد يوكلك؟لا الحمدلله
احد يشربك ؟
احد يحممك؟
احد يمشط لك شعرك؟؟

لالا الحمدلله ..

اذن انتي بخير ومافيك شي الحمدلله ..

لكن نصيحتي لك ,حتى مسكة الشارع لاتحوجين نفسك لها ..جيبي لك عصا واعتمدي على نفسك ..

الشي الثاني ..

اللحين تعالي قولي لي ,ليه هالموضوع شاغلك ؟
بيجي نصيبك ان شاء الله لكن لاتستعجلين واذا تبين رايي هذا اللي يبي يخبيك عن اهله مافيه خير ..
دامه من اولها خايف منهم ,كيف بعدين ؟

ممكن يطلقك لو عرفو صح ؟؟

خليه عنك وفكري باللي جاي ..

الآن اشتغلي على موضوع ثقتك بنفسك ,شوفي وش مميزاتك ونميها ,ووش عيوبك واخفيها ..

جاي العيد ان شاء الله ,غيري ستايلك واطلعي للناس ..

جددي مجتمعك ..توسعي لدائرة صديقاتك ,صديقات خلاتك ,عماتك ..

تعرفي على ناس راقية وجديدة ..

اصلا الزواج وشو ؟الا علاقات اجتماعية ومعارف ..وطالما هذا هدفك اشتغلي عليه ..

اهم شي الدعاء طبعا ..

الله يكتب لك الخير ويسعدك يارب ..