المشاركة الأصلية كتبت بواسطة زينها مع ربك وبس

اسمع حبيبي .. انا مدرس بس تخصصي الحمدلله كويس " انقلش " وتعينت بسرعة اول ماتخرجت ..

ليش خصيت التخصص ؟ لأن بعض التخصصات يجيها التعيين بسرعة مثل الانقلش ورياضيات متوسط وثانوي ..

يعني .. اذا انت ضامن وظيفة التدريس بعد الله ، توكل على الله ولاتفكر ابد ..

اول ماتبدا راتبك حلو .. وعلاوة سنوية 510 .. يالله لك الحمد .. وتداوم مع العالم وتطلع حتى قبلهم احيانا

المشكلة الوحيده بس يمممكن تكون " الروتين " .. اما الباقي حلو في هـ المنهة

واللي يقول التدريس مافيه واسطه ومدري وشو ترقيات .. اول شي احمد ربي ان ما احد يجي يزعجني ويدور

عندي واسطه لفلان ولفلان ، واذا ماقدرت تخدمه " وانت ساعي له " بس وقفت بوجهك كل الامور ، قالوا مافيك

خير وحطوا فيك وانت مالك ذنب ، مجرد تسعى لخدمته مع انك مو مجبور .. هنا معنى " القروشه " بحد ذاتها ..

اما الترقية الا تترقى .. كل سنة بدرجة وعلاوة سنوية ماياخذها الضابط ـ ولله الحمد ـ ، واذا بتكمل دراستك

يمديك تكمل ماجستير .. سنتين ، دكتوراه سنتين .. يعني اذا انت طموح مايوصل عمرك 35 الا وانت في مرتبة

مدنية مرموقه وعاليه ..

وكل هذا وشماغك وعقالك عليك .. والاجازات تنكب عليك ـ ولله الحمد ـ واذا جيت بتسافر برى محد قايل لك

وين رايح ، ولاتنتظر قبول من العمل عشان تطلب اجازه خارجية .. بمعنى آخر انت ملك نفسك ولا احد يملكك ،

حتى مدير مدرستك ماله اي سلطة عليك الا اللهم انه يقيمك بس .. وحتى المشرفين اللي يزورونك من الادارة

برضو مالهم سلطة عليك ولا احد يقدر يقول لك شي ، اللهم يقيمك وخلاص ..

من الآخر ومثل ماقلت لك .. اذا انت ضامن التدريس .. توكل على الله ولاتشاور احد .. واسأل مجرب له ثلاث سنوات فالتدريس ..

مودتي ..