اوصيك بالتقوى عسى الله يهديك … لها وتدركها بتوفيق مولاك
الله بحق اجدادك الغر يعطيك … رضاه مع كل ما تمنى من امناك
احفظ دبشك اللي عن الناس مغنيك … اللي الى بان الخلل فيك يرفاك
واعرف ترى مكه ولاها بناخيك … لو تطلبه خمسة دواوين ما اعطاك
اجعل دروب المرجلة من معانيك … وادراج سيسها على العز مرقاك
لا تنسدح عنها وتبغيني اعطيك … جميع ما يكفيك ما حاصل ذاك
احذر امر ليعات تبيها لتاليك … ايضا ويرخص عندها قدر مأواك
ادب ولدك ان كان تبغيه يشفيك … واستسعفه من بعد مرباه يالاك
اما سمج واستسمجك عند شانيك … ويفر من فعله صديقك وشرواك
والا بعد جهله ترا هو بياذيك … لو زعلت امه لا تخليه يالاك
واحذر تضيع كل من هو ذخر فيك … معروفه لا تنساه واوفه لعرفاك
ترا الصنايع بين الاجواد تشريك … الى طمعت بركزها لا تعداك
~~فنجال واعلوم ارجال ~~