اول شيء عسى الله يكتب لك التوفيق
ثاني شيء المحطة على المواصفات اللي ذكرتها تعتبر فرصة لاباس فيها لكن ماكل فرصة سانحة راح تقدر عليها وانا اخوك
لكن انا اشوف ياحبيب قلبي انك ماتقدم على هالخطوة الا حاسب لها الف حساب
مثلاً انت ماتملك راس المال و تبغى تدخل هالمشروع عندي لك فكرة قابلة للخطأ والصواب :

اول خطوة نحسب ايرادات ملحقات المحطة
المحلات 7
لنفترض ان كل محل راح يكون ايجاره سنويا 15 الف ريال
ويكون تقسيمها على النحو التالي :
تموينات 2 محل = 30 الف
خدمات طالب 1 محل = 15 الف
كوفي شوب 1 محل = 15 الف
تسجيلات 1 محل = 15 الف
زينة سيارات 1 محل = 15 الف
والمحل الاخير لأي نشاط ممكن تستفيد منك ويكون نفس الايجار
طبعاً راح تكون ايجارات المحلات سنوياً 105 الف
وعندك المغسلة اللي راح يكون ايجارها 25 الف مثل ماقال اخوي انا هو
ليكون الاجمالي 130 الف

وغير البنزين وغير وغير وغير

طيب نقول كيف تستاجرها انا راح اقول لك طريقة ممكن تفيدك خصوصاً اذا كانت المحطة لها وقت طويل معروضة للايجار وما أخذها
تقوم انت وتقوم بتسويق المحلات للايجار على الجميع مواطنين ومقيمين وكأن المحطة لك وتحاول بقدر تقوم بعملية ترغيب لهم وان الموقع ممتاز وحلو والمحطة راح تشتغل وانت عاد بطريقتك
بعد ماتضمن ان عندك اشخاص مضمونين راح ياخذون المحلات منك وحتى لو تكتب بينك وبينهم عقد من اي مكتب عقار تعرفه يكون افضل وبتاريخ يبداً مثلا شهرين او شهر ونص ودفع قيمة الايجار مقدم
والعملية كلها ماراح تستغرق منك وقت طويل واتوقع شهر كافي
يعني بالعربي انت الان تقوم بتاجير شيء ماهو لك لكن للظروف وسوء الاحوال راح تقوم بكذا

الان اذا ضمنت تأجير المحلات ومغسلة السيارات استأجر المحطة وانت مغمض

راح تعطي صاحب المحطة 100 الف حق ست شهور

اشتغل انت على البنزين بحيث تحط 4 طرمبات بنزين
و 1 طرمبة ديزل

وبامكانك تحط فيها صراف الي او بوفية او بنشر او كوفي شوب سيارات على حسب القدرة الاستيعابية
وغير وغير وغير


فكرة المحطة ناجحة اذا رزقك الله لكنك راح تتلخبط الست الشهور الاولى او السنة الاولى لكن راح تعيّن خير

اعذرني على القصور وسوء الاسلوب لكن هذا اللي قدرت عليه وانا اخوك

تحياتي