اقتباس:
المشاركة الأصلية كتبت بواسطة الجامعي أحمد
صديق الوزراء ليش ماتبي البحرية تكفى افيدني انا ابغى البحرية وهي خياري الاول
تكفى افيدني بجميع المعلومات عنها
ليييييييييييش ماتبيها
|
والله ياصديقي يمكن عشاني ( ضب ) ماني بحب البحر والرطوبة واجد .
إضافة إلى أن حقي راح يضيع بين المهندسين والفنيين حقين الكلية البحرية وغيرها ، يعني راح ابطي عظم امسك منصب بحكم تخصصي ، وراح انسى الابتعاث او الدورات ، إضافة إلى أن راتبي ماراح يكون اللي اطمح له بحكم قلة العلاوات والبدلات وغيرها .
عموماً تخصصي مايصلح له إلا ( الاستخبارات + الخدمات الطبية + هئية قيادة الاركان أومكتب الوزير ) في هذي الحالات راح اقدر اعيش عيشة كويسة وراح اقدر ان اطور نفسي .
وعموماً ترى مو معناته إني مالي رغبه فيه أنه قطاع مش كويس ، بالعكس كل قطاع فيه مميزاته لكن هي تختلف من تخصص إلى آخر ورغبات شخص إلى آخر ، يعني أنا شخصياً عندي مشكلة كبيرة لو اطلع عن الرياض أكثر من سنتين عشان كذا البحرية أحتمال كبير يحطوني باحد القوات يالغربية يالشرقية يعني راح اخيس مكاني هناك ، عشان كذا كل انسان يرتب اولوياته ويرتب نفسه ويخطط صح ويعرف الطرق اللي توصلة لخططة وتختصر عليه الطريق .
عموماً موفق خير وترى للمرة الثانية مو معناته إني ما ارغبة أني سيء بالعكس تماماً هي توقف عند الرغبات الشخصية + التخصص .
تحياتي .
