ههههه

كل عام وانت بخير يانسيم حميد


قبل برهة من الشهور رحت ابشتري فستان لزوجتي رحت لعزيز مول لقيت فستان اعجبني ...اعجبني مو يعني انه لي او انه على مقاسي لكن شكله محتشم ومحترم
سألته عن السعر قالي 850 قلت خير ان شاء الله

رحت لسوق ثاني لقيته 500 ريال

رحت للجامعه مول لقيته ب450 ريال

رحت لسوق ثاني لقيته 250 ريال

اخر شي رحت سوق شعبي ابشتري حنا لجدتي وشماغ .....تعرف انحم يالرجاجيل نلقى غرضنا في اطرف محل ولا عندنا اكسسوار على لون الشماغ والساعة والثوب

عاد لمحت نفس الفستان قلت خل اسأله بكم

قال ب85 ريال

اخذت الفستان وقلبته نفس اللون ونفس الشركة هو هو زات نفسو

باالنسبة للغلاء ترى احيانا ....احيانا مو دايم ...ركز على احيانا يكون السبب خارج عن الارادة

يعني يكون بسبب انخفاض الدولار وارتفاع ابن الحرام اليورو

وخصوصا السلع المستوردة من اوروبا ...والصين ....حتى ابو عيون مطحلسة صاروا يتغلونا علانا


ولاتنسى ايضا اننا دولة مستهلك حتى الثمالة يعني اكلنا وشربنا كله جاي من برا

لكن انا دايم الاحظ ان المنتج المستورد ارخص من المحلي ...واعلى في الجودة...عجزت القى له تفسير

مرة يقولون ارتفاع اجرة اليد العاملة في السعودية ومرة يرفعون في المواد الخام

يعني تاخذ لك جالون موية صيني ب8 ريال وزيه سعودية بنفس الجودة تاخذه ب15 ريال

وبعدين يقولون شجعوا الصناعة الوطنية

ياخي يجون بعض الناس يقولون قاطعوا منتجات الكفار...

طيب اوكي انا معاهم...

رحت لقطع الغيار لقيت الناس ماتبي الا صناعة امريكية تقوله اندونيسي والا ماليزي يقولك لا ما ابيه

عاد انا رحت لقطع غيار سيارتي قلت له ابي صناعة اسلامية قالي مافيه الا كوري قلت له شوف لي صناعة مكة والا المدينة قالي قوم انقلع والا قسم بالله بالدباسة بين عيونك

والسلام عليكم ورحمة الله وبركاته