اقتباس:
المشاركة الأصلية كتبت بواسطة ععبدالله
وعليكم السلام ورحمة الله وبركاته
وانت طيب وان شاء الله تكون في اتم الصحة والعافية ....
اخوي انا خريج كلية تقنية تخصص كهرباء ايش راح يكون تخصصي في البحرية ؟؟وكم بيكون الراتب؟؟وكم مدة الدورة بالضبط؟؟بعدين متى راح يتصلوا علينا علشان نكون مستعدين؟؟
سامحني كثرت الاسئلة والله يجزاك خير ويبارك فيك وفي والديك.
|
بخير ابشرك الحمدلله بالنسبه للتخصص مو انت الي تحدده هم الي يحددوه لك انا كنت داخل على اساس جناح الطيران لما جينا على المركز طبعا بعد مادخلنا قاموا يفرزون بالاسماء التخصصات يعني على حسب ماتدري ايش يحطونك وعلى فكره اخويانا الي في جناح الطيران كلهم لغوا التخصص ووزعوهم على القوات الخاصه والمشاه فنيين قبل ماتنتهي الدوره... بالنسبه للراتب الاساسي 4555 والبدلات عندك معيشه 500 ريال على ماسمعت وبدل نقل 400 برضو على ماسمعت وعلاوه فنيه 1200 ريال للي عندهم تخصص يعني من الكليه وباقي البدلات التانيه على حسب تخصصك اذا كان فيه بدل للتخصص زي المحاسبه ماعندهم بدل تخصص يعني يستلمون في حدود 6700 هذا كلام واحد من اخوياي اتوظف في التموين (تخصصه محاسبه ).. والدوره ياطويل العمر والسلامه 3 شهور فرد اساس... وبالنسبه متى راح يتصلون قبل الدوره يمكن بيومين ههههههههههه احنا زي كده الدوره كانت الاحد اتصلوا الاربعاء في الليل وبعض الشباب الخميس.
وبالتوفيق ليا و لك وللجميع...