هذا الي بشرق الرياض > بسمة امل ؟
الله لايعيد ايام اشتغلت فيها عندكم 
بنات بنسبه لرواتبهم ... اول شهر مافيه راتب بعدين يعطونك الف وثمان وبعد 3 شهور الفين < مدري اذا نظامهم تغير ببس هذا على ايامي
ولازم انتي تدخلين الاطفال الحمام بالرغم من وجود عاملات
ولازم ياخذون الوثيقه الاصليه...عشان لو بتطلعين قبل نهاية العقد مايعطونك ياها لين تشتغلين شهر بدون راتب..والي تبي تاخذ خبره قبل نهاية العقد الي مدته سنه ...مالها خبره
اعر ف وحده كانت معي من البنات اشتغلت 6 شهور وفصلوها عشان عيت تعطيهم وثيقتها الاصليه وبدون راتب الشهر الاخير وبدون خبره < وربي الشاهد على كلامي
وطبعا يوظفون بنات تخصصهم مغاير للتربيه الخاصه ويسلمونهم الاطفال< كيف بالله تسلمين طفل من ذوي الاحتياج لوحده مالها خلفيه بالتربيه الخاصه ..ولا اهم شي تعبيئة فراغ ؟؟؟
وغير كذا لاجيتي عندهم وكان عندك اساله بخصوص كتابة الملفات وطريقة التدريس يقولون لك اسالي المعلمات بالفصول الثانيه...وهم لو سألتيهم يعطونك كلمه ورد غطاها<<< بالنسبه للأداريات ماعجبني تعاملهم يسمعون للقيل والقال والظاهر يحطون لهم مخبرات ..وشايفين انفسهم مدري على ايش ..يعني ترا كلنا عيال تسعه على فكره ومن تراب وبنرجع للتراب؟
اظن المفروض يكون فيه دوره تدريبيه للموظفات قبل تسلمونهم الاطفال ع الاقل يصير عندهم خلفيه لو بسيطه بطرق التعامل مع الطفل المعاق..خصوصا لو كان تخصصهم مغاير او بنات ثانوي !!!
سؤال يراودني>
مادري لو كان عند المديره طفل معاق عادي لو تسلمه بنت ثانوي او خريجه تخصص مغاير عن التربيه الخاصه ؟
وختام كلامي
ترا كل القطاع الخاص زي بعض وتعاملهم واحد الا ماندر ..والي بتشتغل عندهم تصبر وتحتسب الاجر 