اقتباس: المشاركة الأصلية كتبت بواسطة كنت أشتغل هذا الي بشرق الرياض > بسمة امل ؟ الله لايعيد ايام اشتغلت فيها عندكم بنات بنسبه لرواتبهم ... اول شهر مافيه راتب بعدين يعطونك الف وثمان وبعد 3 شهور الفين < مدري اذا نظامهم تغير ببس هذا على ايامي شي غريب بجد بصراحه انا ماعرف هالمركز ولا سمعت فيه لكن فيه بعض الملاحظات هنا حبيت اعقب عليها ولازم انتي تدخلين الاطفال الحمام بالرغم من وجود عاملات ليش فووضى الدعوة المعلمه معلمه مالها دخل بهالشغلات فيه عاملات متخصصات لهالشي ولازم ياخذون الوثيقه الاصليه...عشان لو بتطلعين قبل نهاية العقد مايعطونك ياها لين تشتغلين شهر بدون راتب والوثيقة مالهم اي احقيه يااخذ وثيقتي الاصليه صح تطابقها لكن تاخذها والله بعيده عنها لان بيكون اسلوبهم استفزازي سوي لنا ونعطيك ايها علشان كذا كل ماقدم ويطلبون وثيقتي الاصليه اطنشهم معروف هالشي استغلال ..والي تبي تاخذ خبره قبل نهاية العقد الي مدته سنه ...مالها خبره هذي سمعت فيه مدارس ومراكز كذا لكن المفروض بما اني اشتغلت عندكم تعطوني خبره تفيدني يمكن الظرروف ماسمحت لي اكمل مو اني انحرم من خبرة تعبي هالكم شهر لانه شي معروف الرواتب من جنبها اي كلام اهم شي عندنا الخبره .. اعر ف وحده كانت معي من البنات اشتغلت 6 شهور وفصلوها عشان عيت تعطيهم وثيقتها الاصليه وبدون راتب الشهر الاخير وبدون خبره < وربي الشاهد على كلامي حسبي الله على كل ظالم وطبعا يوظفون بنات تخصصهم مغاير للتربيه الخاصه ويسلمونهم الاطفال< كيف بالله تسلمين طفل من ذوي الاحتياج لوحده مالها خلفيه بالتربيه الخاصه ..ولا اهم شي تعبيئة فراغ ؟؟؟ صح ان فيه مجالات عادي اي تخصص مو شرط تشتغل نفس تخصصها وبالعكس تبدع فيه اكثر من اللي تخصص .. لكن بصراحه بصراحه تخصص ذوي االاحتياجات الخاصه المفروض شي ضروري والزامي وجود تخصص لان الطفل محتاج تربيه ورعاية خاصه وناس مخصصه لهالشي مو خبط لصق ,, وغير كذا لاجيتي عندهم وكان عندك اساله بخصوص كتابة الملفات وطريقة التدريس يقولون لك اسالي المعلمات بالفصول الثانيه...وهم لو سألتيهم يعطونك كلمه ورد غطاها<<< بالنسبه للأداريات ماعجبني تعاملهم يسمعون للقيل والقال والظاهر يحطون لهم مخبرات ..وشايفين انفسهم مدري على ايش ..يعني ترا كلنا عيال تسعه على فكره ومن تراب وبنرجع للتراب؟ عادي شي معروف بكل مكان وحتى الجديدة ماتعلم اذا عرفت <<صدق حسد ونصيحه اي موظفة عندها خبر معلومه اي شي تقدر تفيد غيرها تساعدها وربي بتكسب اجر وتفرج عن اختها وتكسب محبة الناس لها وش لكم بالحقد والحسد الناس للناس ويكفي انك مريتي بهالتجربه واكيد عانيتي فساعدي غيرك منتي خسرانه شي الله يسعد من كانو لي عون بعد الله في بداية مشواري العملي الى ماوصلت له الان اظن المفروض يكون فيه دوره تدريبيه للموظفات قبل تسلمونهم الاطفال ع الاقل يصير عندهم خلفيه لو بسيطه بطرق التعامل مع الطفل المعاق..خصوصا لو كان تخصصهم مغاير او بنات ثانوي !!! هذا المفروض .. وتقدر الموظفة اللي تبي تشتغل تثقف نفسها في المجال اللي توظفت فيه وتطور من اداااءها باي شي جديد يخص عملها لا تعتمد عليهم ... الله يخلي لنا قوقل سؤال يراودني> مادري لو كان عند المديره طفل معاق عادي لو تسلمه بنت ثانوي او خريجه تخصص مغاير عن التربيه الخاصه ؟ وختام كلامي ترا كل القطاع الخاص زي بعض وتعاملهم واحد الا ماندر ..والي بتشتغل عندهم تصبر وتحتسب الاجر انتهت اضافتي واختم حديثي بمثل ماتطرقتي له اختي في خاتمتك ناسف ع الاطاله وشكراً .