هلا بك اخوي
انا من اهل الخرج والمطعم معروف تحصلة على يمينك بعد ما تتعدى مطعم الطاهي.. واذكر قريت اعلاناتك في الشاشة عند مدخل الخرج عند بنك الراجحي على الشاشة وله سمعته الطيبة ولم اتوقع ان نهايته بتكون هكذا ....

لكن الله يوفقك يارب ويعوضك بافضل منه..

عندي لك فكرة مشروع وهي مطعم في برج الخرج..
فيه مطعم ماسكة ولكن كان بيني وبين صاحب المشروع اتصال بالجوال وجلست اقول له ليه ما تحط كذا وكذا قال الاقبال ضعيف.. قلت له بسببك انت.. لأنك لم تقم بعمل دعايات اعلانية وقلت له جلست مع ناس اسالهم عن المطعم اغلبهم يقول اول مرة ادري ان فيه مطعم.. مع العلم ان البرج فيه ميزة وهي انه يدور.. يعني لو دخلت المطعم باعلي البرج وجلس باحد الاماكن ونظرت للأسفل,, بعد لحظات تشوف ان المطل تغير..




اخي العزيز الثلج الدافئ 0
شهادة اعتز فيها والحمد الله علي كل حال0
بالنسبة للبرج عرض علي 0لكن افيدك فيه مطعمين واحد بالورد الثالث واعتقد واحد بالاخير
العرض حلو بس عندك مشكله اشرحها لك
الصيانه السنويه للمكيفات تبلغ حوالي ( 100000 ) ريال معدا كم يأجرونك البلديه
وراس تكلفة المطعم يقال حوالي المليون0
اما البوفيه بالدور الثالث ما شاهدته 0لكن ياخي يبغاله راس مال كبير جدأ
واذا تملك رأس المال انا ادخل معك بالمجهود الادراي والعلاقات بنسبه يتفق عليها 0
واذا حبيت تاخذ البرج خذ معه الحديقة الموجود ة حول البرج كامل لوضع ملاهي اذا تبي تحقق الملايين بسرعه وانا اؤمن لك المكائن0
بس اقولك اذا انت ضعيف ماديأ لاتقرب مثل هذا المشروع تتعب جدا0
وانا جاهز لاي استفسار