اليوم الصباح دقوا علي مدارس المورد الأهلية الي بحي الخليج
ورحت لهم بعد المغرب
قالي نبيك تدرس ثانوي أحياء ٢٤ حصة
وأنا تخصصي علوم
المهم قلت الراتب قال ٢٨٠٠ ريال
قلت والأمر الملكي وش صار عليه
قال والله ماجانا تعميم ولا راح يجي وتذكر كلامي يقوله المشرف العام للمدارس سعودي
يقول من جدك مأملين يقول والله حبر على ورق هذا يكلف الدوله مليارات والله ماراح يدفعون لكم من صندوق التنمية البشرية ريال واحد
قلت مدام راتبكم ٢٨٠٠ الله يخلي حافز بشهر محرم القادم يعطوني ٢٠٠٠ ماتستاهل زيادتكم ٨٠٠ اني اكرف ٢٤ حصة
قال والله لازيادة ولاحافز ورح شوف الاوامر الملكية كاملة وطلع لي امر واحد تم تطبيقة
للأسف البطانة فاسدة لا تلتزم بما يصل لها ولا بالمده الزمنية
لكن خلها على الله والله اقوى واللي بجوا الصدر جوا