يا شباب انا شفت كذا شخص متخوف من المقابله
انا سويت المقابله وكانت كلها سوالف عشان كذا لحد يهتم منها كثير
حتى اذكر سوال كان اللي يقابلني يسألني عن ( القصعه) وش معناها ؟
قلت القصعه زي القدر اللي يحطون فيه بر ولا مرقوق ولا قرصان
قصعة مرقوق ولا قصعة قرصان وهكذا
بعدين قعدنا نضحك ثمن قال الله يوفقك قلت له السلام عليكم
وانتهت المقابله
بعدها خذيت ورقة حضور المقابله من الموظف فيها اسمي ورقمي وعليها ختم حضور
بعدها رحت سويت كشف طبي في المستشفى اللي مكتوب في ورقة الحضور
بعدها طلعت نتيجة الكشف خذيت النتيجه مع ورقة حضور المقابله ورحت الديوان وعطيتم الكشف وورقة الحضور وشهادة التخرج والخبرات
بعدين طابقو اوراقي كلها وانا واقف وختمو عليها وقالوا انتظر اعلان التعيين
بعدها صدر اعلان من وزارة التربيه على موقعهم باسماء اللي تم تعيينهم في مناطق المملكه
دخلت موقع وزارة التربيه ( بوابة التكامل بنين ) وطلع اسمي في متعين في الرياض وهي كانت رغبتي الاولى والحمدلله
بعدها جاتني رساله من وزارة التربيه والتعليم تفيد باني تعينت وهذا نص الرساله (( ادارة التربيه بمنطقة الرياض ترحب بك وتدعوك لتسجيل رغباتك على موقعها على الرابط التالي )))
بعدها دخلت الرابط واخترت الشرايح وخلصت كل شي

وبكره اللي هو يوم الاحد انتظر التوجيه من ادارة تعليم الرياض باأسم المدرسه والحي اللي تعينت فيه

وهذي كل السالفه